ខេត្តបន្ទាយមានជ័យ៖  ក្មេងស្រី២នាក់បងប្អូនដែលឱពុកម្តាយស្លាប់ចោលទទួលការឧបត្ថម្ភពីសាខាកាកបាទក្រហមកម្ពុជាខេត្តបន្ទាយមានជ័យពីថ្ងៃទី២៣ខែកញ្ញាឆ្នាំ២០១៦នៅភូមិ.សង្កាតអូរអំពិលក្រុងសិរីសោភ័ណពេលនេះត្រូវបានអ្នកជិតខាងយកទៅចិញ្ចឹម។

លោក លី សារី អភិបាលរងខេត្តនិងជាប្រធានសាខាកាកបាទក្រហមកម្ពុជាខេត្តបន្ទាយមានជ័យបានអោយដឹងថា ក្រោយពេលទទួលបានដំណឹងពីអនុសាខាកាកបាទក្រហមកម្ពុជាក្រុងសិរីសោភ័ណមានក្មេងស្រី២នាក់បងប្អូនត្រូវឱពុកម្តាយស្លាប់ចោលនៅកំព្រាឯកការដែលមានអ្នកជិតខាងមើលថែ ក្រោយពេលទទួលព័ត៌មានបានដឹកសមាជិកនាំយកអំណោយសាខាកាកបាទក្រហមកម្ពុជាខេត្តទៅប្រគល់ជូន។

លោកបានបញ្ជាក់ថា ដោយមានការណែនាំខ្ពស់ពីសម្តេចកិត្តិព្រឹទ្ធបណ្ដិត ប៊ុន រ៉ានីហ៊ុនសែន ប្រធានកាកបាទក្រហមកម្ពុជាតែងតែយកចិត្តទុកដាក់បានអោយនាំយកអំណោយចែកជូនមានអង្ករ៦០គីឡូក្រាម ត្រីខ ១០កំប៉ុង មី ០១កេសសាប៊ូម្សៅ ០១គីឡូក្រាមប្រេងឆា១លីត្រ ទឹកត្រី ទឹកស៊ីអ៊ីវ៦ដប សារ៉ុង១ ក្រម៉ា១ មុង១ ភួយ១ កម្រាលស១ដុំ ទឹកដោះគោខាប់២កំប៉ុង ស្ករស១គីឡូក្រាម ថវិកា១០ម៉ឺនរៀលនិងអនុសាខាកាកបាទក្រហមក្រុងសិរីសោភ័ណឧបត្ថម្ភ៥ម៉ឺនរៀល។ក្នុងនាមគ្រួសារលោក លី សារី អភិបាលរងខេត្តប្រធានសាខាកាកបាទក្រហមកម្ពុជាខេត្តបន្ទាយមានជ័យបានជួយឧបត្ថម្ភសម្រាប់ក្មេងស្រីទាំង២នាក់មានសំលៀកបំពាក់និងសម្ភារៈសិក្សា។

លោក លី សារី បានបញ្ជាក់ថា ចំពោះក្មេងស្រីទាំង២នាក់ដែលត្រូវឱពុកម្តាយស្លាប់កំព្រាឯកការក្នុងសាខាកាកបាទក្រហមកម្ពុជាខេត្ត ជួយរកអង្គការដៃគូជួយចិញ្ចឹមតែអ្នកជិតទទួលយកចិញ្ចឹមតាមបណ្តាំឱពុកម្តាយមុនស្លាប់គឺកុមារីឈ្មោះ ជួង ស្រីនីត អាយុ១៣ឆ្នាំ(ជាបង)ត្រូវបានលោកយាយ  ឡោះ ស៊ីថា អាយុ៦៧ឆ្នាំ(មេម៉ាយទទួលយកចិញ្ចឹម)និងប្អូនស្រីឈ្មោះ ជួង ស្រីនុត អាយុ៧ឆ្នាំត្រូវបានឈ្មោះ ខន សីហា ភេទប្រុសអាយុ៣១ឆ្នាំ(យោធារ)ទទួលយកចិញ្ចឹម។

 ក្មេងស្រីឈ្មោះ ជួង ស្រីនីត (ដែលជាកូនបង)បានរៀបរាប់ទាំងទឹកភ្នែកអួលដើមករថា ម្តាយរបស់នាងស្លាប់ដោយជំងឺបេះដូងគ្មានលុយទៅព្យាបាលហើយដែលស្លាប់ចោលតាំងពីប្អូនស្រី ជួងស្រីនុត ទើបនិងកើតបានប៉ុន្មានខែ ។ក្រោយពេលម្តាយស្លាប់ចោលបន្ទុកលើឱពុកដែលមានជំងឺបាក់ទុកចិត្តប្រពន្ធស្លាប់ចោលនិងមានជំងឺប្រចាំកាយគ្មានលុយទៅព្យាបាលទើបស្លាប់កាលពីថ្ងៃទី១៨ខែកញ្ញាឆ្នាំ២០១៦កន្លងទៅថ្មីៗនេះ។

ប្អូនស្រីបានរៀបរាប់ថា ក្រោយពេលឱពុកម្តាយស្លាប់ចោលគឺគ្មានអ្វីទីពឹងទើបដង្ហោយសុំអោយសប្បុរស់ជនជួយជាក់ស្តែងថ្ងៃនេះអគុណលោក លី សារី អភិបាលរងខេត្តនិងជាប្រធានសាខាកាក បាទក្រហមកម្ពុជាខេត្តបន្ទាយមានជ័យបានដឹកនាំសមាជិកនាំយកអំណោយចែកជូនគ្រួសារនាងផុតពីទុកលំបាក។

• ក្មេងស្រី
• ស្លាប់
• ចិញ្ចឹម