ខេត្តបាត់ដំបង៖   ក្មេងស្រីអាយុ5ឆ្នាំម្នាក់ត្រូវរថយន្តបុកស្លាប់ខណៈរត់ឆ្លងផ្លូវដើម្បីវិលត្រឡប់ទៅផ្ទះរបស់ខ្លួនវិញកាលពីវេលាម៉ោង12ៈ16នាទីរសៀលថ្ងៃទី29ខែសីហាឆ្នាំ2016នៅតាមបណ្តោយផ្លូវជាតិលេខ៥៩ក្នុងភូមិចំបក់ ឃុំជ្រៃសីមា ស្រុកសំពៅលូន ខេត្តបាត់ដំបង។

នគរបាលពីកន្លែងកើតហេតុបានឲ្យដឹងថាគេបានឃើញរថយន្តមួយគ្រឿងម៉ាកកាមរីឆ្លាមព៌ណខ្មៅពាក់ស្លាកលេខសៀមរាប2A-6182.បើកបរក្នុងល្បឿនលឿនទិសដៅពីជើងទៅត្បូង ។

លុះទៅដល់ត្រង់ចំណុចកើតហេតុក៏ស្រាប់តែមានក្មេងស្រីម្នាក់ឈ្មោះឌីស្រីនូអាយុ៥ឆ្នាំរស់នៅក្នុងភូមិ ឃុំកើតហេតុខាងលើបានរត់ឆ្លងផ្លូវហើយក៏ត្រូវរថយន្តនោះបុកពេញទំហឹងបណ្ដាអោយកុមារីរងគ្រោះប៉ើងប្រមាណ៦ម៉ែត្រស្លាប់ភ្លាមៗនៅនឹងកន្លែង ។

ក្រោយកើតហេតុរថយន្តបានបន្ថែមល្បឿនបើករត់គេចខ្លួនបាត់ស្រមោលដោយបន្សល់តែសពកុមារីដេកស្លាប់យ៉ាងអាណោចអាធ័មនៅក្នុងថ្លុកឈាម។ព្រមទាំងឮសម្រែកទ្រហ៊ោយំបោកខ្លួនពីសំណាក់ជីដូនរបស់កុមារីនោះផង ។

ឪពុកនិងម្តាយរបស់កុមារីរងគ្រោះមិនបាននៅក្នុងមូលដ្ឋាននោះឡើយដោយសារតែបញ្ហាជីវភាពក្នុងគ្រួសារទើបជំរុញអោយពួកគេទាំងពីរនាក់ប្ដីនិងប្រពន្ធចាកចេញពីស្រុកកំណើតនិងឃ្លាតឆ្ងាយពីកូនទៅធ្វើការនៅឯប្រទេសថៃ ។

• ក្មេងស្រី
• រថយន្ត
• ស្រុកសំពៅលូន