រាជធានីភ្នំពេញ៖   គណៈកម្មាធិការជាតិរៀបចំការបោះឆ្នោត(គជប)នៅព្រឹកថ្ងៃទី១៨ខែឧសភាឆ្នាំ២០១៧បានបើកសិក្ខាសាលាសម្រាប់អ្នកកាសែតជាតិនិងអន្តរជាតិមុនការឃោសនាចាប់ផ្តើមនៅថ្ងៃ២០ឧសភាដល់ថ្ងៃទី២ខែមិថុនាឆ្នាំ២០១៧ខាង។ សិក្ខាសាលារយៈពេលមួយថ្ងៃនេះបានធ្វើឡើងនៅសណ្ឋាគារកាំបូឌីយ៉ាណាក្នុងទីក្រុងភ្នំពេញ។

គ ជ ប បានលើកឡើងថាសិក្ខាសាលានេះសម្រាប់អ្នកសារព័ត៌មានស្តីពីការ៖ផ្សាយព័ត៌មានក្នុងដំណាក់កាលឃោសនាបោះឆ្នោត។ការផ្សាយព័ត៌មាន១ថ្ងៃមុនថ្ងៃបោះឆ្នោតនិងថ្ងៃបោះឆ្នោត។ការដោះស្រាយបណ្តឹងទាក់ទងការឃោសនាបោះឆ្នោតនិងការបោះឆ្នោត។

លោកហង្សពុទ្ធាអ្នកនាំពាក្យគជបបានលើកឡើ្ងងសិក្ខាសាលានេះមានការគាំទ្រពីអង្គការ(Jica)ការបោះឆ្នោតឃុំសង្កាត់នឹងប្រព្រឹត្តទៅនៅថ្ងៃទី៤ខែមិថុនាឆ្នាំ២០១៧ខាងមុខ។សិក្ខាសាលានេះមានអ្នកសារព័ត៌មានប្រមាណ៦០នាក់ចូលរួម។

លោកបានលើកឡើងថានៅសល់រយៈពេ១៦ថ្ងៃទៀតការបោះឆ្នោតឃុំសង្កាត់នឹងចូលមកដល់។ក្នុងនោះ គ ជ ប មានការបមាញឹកណាស់ ហើយអ្នកសារព័ត៌មានក៍មានការមមាញឹកដូចគ្នាដែរ។លោកបានអះអាងថាការចុះឈ្មោះ២០១៦បញ្ជីឈ្មោះអ្នកបោះឆ្នោតត្រឹមត្រូវ៩៨%ដោយមានការទទួលស្គាល។បេក្ខជនជាង៩ម៉ឺននាក់បានឈរឈ្មោះសម្រាប់អាសនៈក្រុមប្រឹក្សាឃុំសង្កាត់។

លោកអងហង្សពុទ្ធាបានលើកឡើងថាបញ្ជីឈ្មោះថ្មីសម្រាប់ប្រើក្នុងការបោះឆ្នោតឃុំសង្កាត់នៅថ្ងៃទី៤ខែមិថុនាឆ្នាំ២០១៧ខាងមុខនេះមិនមានឈ្មោះស្ទួនឬឈ្មោះខ្មោចទៀតទេ។ការងាររបស់អ្នកសារព័ត៌មានត្រូវគោរពច្បាប់ដែរដើម្បីឲ្យព័ត៌មានបានជ្រាបដល់ពលរដ្ឋ។អ្នកសារព័ត៌មាននិងគជបមានទំនាក់ទំនងល្អជាមួយគ្នា។

លោកហង្ស ពុទ្ធាបានលើកឡើងថាមានអ្នកសារព័ត៌មានខ្លះមានចេតនាមិនល្អក្នុងការសួរសំណួរនិងចង់បានចម្លើយដែលគេចង់បាន។លោកថា”អ្នកសារព័ត៌មានមិនត្រូវធ្វើជាសាំងចាក់លើភ្លើងនោះទេ។អ្នកសារព័ត៌មានត្រូវធ្វើជាឡានទឹកពន្លត់ភ្លើងវិញ”។

លោកបានលើកឡើងថាគ ជ ប ធានាមិនមានអ្នកបោះឆ្នោត២ដងនោះទេ។ចំពោះអ្នកដែលបន្លំបោះឆ្នោត២ដងនឹងត្រូវផ្តន្ទាទោសនិងពិន័យរហូតដល់៥០០០ដុល្លារអាមេរិក។លោកបានសំណូមពរដល់អ្នកសារព័ត៌មានកុំផ្សាយព័ត៌មានដែលនាំឲ្យពលរដ្ឋយល់ច្រឡំនិងគ្មានភស្តុតាង។សូមឲ្យអ្នកសារព័ត៌មានត្រូវគោរពច្បាប់ ហើយ គ ជ ប មិនចង់ដាក់ទោសទាន់លើនរណាម្នាក់ទេ។តែនៅក្នុងប្រទេសមួយត្រូវបានតែគោរពច្បាប់របស់ប្រទេសនិមួយៗ។

លោក ហង្ស ពុទ្ធបានលើកឡើងថា មានប្រព័ន្ធផ្សាយមួយដែលបានផ្សាយថាទឹកខ្មៅដែលបានសាកល្បងមានការលុបជ្រះ។តែទោះបីយ៉ាងណាការលុបជ្រះនេះក្រោយមកមានពណ័ខ្មៅដដែល។

លោកSuganoYuichi ប្រធានអង្គការJica បានថ្លែងថាសិក្ខានេះមានសារៈសំខាន់ណាស់សម្រាប់អ្នកសារព៏ត៌មានដើម្បីស្វែងយល់ពីនីតិវិធីរបស់គជប។ក្នុងនាមអង្គការJicaលោកសង្ឃឹមថាអ្នកសារព័ត៌មាននឹងទទួលបានចំណេះដឹងពីការសិក្សានេះសម្រាប់សរសេរព័ត៌មានស្តីពីការឃោសនានិងការបោះឆ្នោត។             

• គ ជ ប
• សិក្ខាសាលា
• បោះឆ្នោត