ខេត្តបាត់ដំបង៖  ស្រុកថ្មគោល មានករណីគ្រោះថ្នាក់ចររាចរណ៌បានកើតឡើងនៅវេលាម៉ោង ៩និង១៥ នាទី ថ្ងៃទី ១៣ ខែ៥ ឆ្នាំ២០១៧ នៅតាមបណ្តោយផ្លូវជាតិលេខ៥ ត្រង់ចំណុចក្រុមទី ១៧ ភូមិ ពពាលខែ ឃុំ អូរតាគី ស្រុក ថ្មគោល ខេត្ត បាត់ដំបង។

ករណីគ្រោះថ្នាក់ចរាចរណ៏ មួយកើតឡើងរវាងរថយន្តនិង ម៉ូតូបើកបញ្រ្ចាស់ទិសគ្នារថយន្តម៉ាកពុយសូ ពណ័សំបកឪឡឹក ពាក់ស្លាកលេខ ភ្នំពេញ 3B 1898  អ្នកបើកបររត់គេចខ្លួន។ម៉ូតូម៉ាក វ៉េវ ពណ័ក្រហម សេរីឆ្នាំ ២០០២ ពាក់ស្លាកលេខ បន្ទាយមានជ័យ 1D9508  អ្នកបើកបរឈ្មោះ ឆាន់ ខេង ភេទ ប្រុស អាយុ ៦៥ ឆ្នាំ ទីលំនៅ ភូមិ ថ្នល់បត់ ឃុំ ភ្នំតូច ស្រុក មង្គលបូរី ខេត្ត បន្ទាយមានជ័យ ស្លាប់ និងអ្នករួមដំណើរពីនាក់ ឈ្មោះ ផ្លាំង សឿន ភេទ ស្រី អាយុ ៦៦ ឆ្នាំ ទីលំនៅជាមួយគ្នាស្លាប់  ឈ្មោះ វិត  លីសា ភេទ ស្រី អាយុ ៦ ឆ្នាំ ទីលំនៅជាមួយគ្នា ស្លាប់។

ម៉ូតូបើកបរមានទិសដៅពីជើងឆ្ពោះទៅត្បូងសំដៅមកខេត្តបាត់ដំបង បានបុកនិងរថយន្តមានទិសដៅផ្ទុយគ្នាបើកពីត្បូងឆ្ពោះទៅជើងបណ្តាលអោយបុកស្លាប់នៅនិងកន្លែងកើតហេតុទាំង៣នាក់ ។

សាកសពរងគ្រោះទាំង៣នាក់ទុកអោយផ្នែកជំនាញប្រគល់អោយក្រុមគ្រួសារយកទៅធ្វើបុណ្យតាមប្រពៃណី ចំណែករថយន្ត និង ម៉ូតូ ផ្នែកជំនាញយកមករក្សារទុកនៅអធិការដ្ឋានស្រុកថ្មគោល ដើម្បីចាត់ការបន្ត ។                        

• គួរឲ្យរន្ធត់
• រថយន្ត
• ស្លាប់