ពីមុនគេចញ្ចឹមសុនខ(ឆ្កែ)ទុកគ្រាន់ការពារទ្រព្យសម្បត្តិរឺជាសារបញ្ជូនតំណឹងដល់ម្ចាស់ថាមានរឿងអ្វីមួយបានកើតឡើងអោយម្ចាស់ផ្ទះបានដឹង ហើយបើមែនទែនទៅទៀតនោះមានម្ចាស់ផ្ទះខ្លះបានចញ្ចឹមហើយចាត់ទុកពួកវាដូចជាសាច់ញាតិទៀតឯណោះ។

ចុះឥឡូវបើសូម្បីតែសុនខ(ឆ្កែ)រកការពារខ្លួនវាមិនបានផងតើយើងត្រូវយកអ្វីមកការពារពួកវាវិញខណះពេលដែលយើងបានចិញ្ចឹមរឺនឹងត្រូវចញ្ចឹមដែលពួកវាហាក់បានក្លាយជាសាច់យើងទៅហើយ។ ជាក់ស្តែងដូចជាយប់ថ្ងៃទី២៧ ខែ មេសា ឆ្នាំ២០១៧ វេលាម៉ោង ៣:០៧:៤៧វិនាទីសុនខ(ឆ្កែ)ខ្ញុំពីក្បាល មួយឈ្មោះ ចំរុង ពណ៌ ខ្មៅ និង មួយទៀត ឈ្មោះ ចំរើន ពណ៌ ក្រហម ពួកវាទាំងនេះចេះណាស់ហើយពួកវាស្រលាញ់ខ្ញុំនិងគ្រួសារខ្ញុំណាស់រីឯខ្ញុំវិញក៏បានចាត់ទុកពួកវាដូចជាសាច់ញាតិផងដែរ តែសារជាតិសត្វសុនខ(ឆ្កែ)វាមានតែការគោរពនិងភាពស្មោះត្រង់តែមួយមុខគត់ វាគ្មានកល្បិចអាចទប់ទុលបានជាមួយក្រុមចោរមួយក្រុមដែលមានគ្នាពីនាក់ប្រដាប់ម៉ូតូ១គឿង និង ឧបករណ៌ទាក់សុនខដែលបានប្រព្រឹត្តិសកម្មភាពបទល្មើសនៅមុខផ្ទះខ្ញុំបាទយ៉ាងសាហាវឃោឃៅបែបយ៉ាងគឃ្លេីញដោយគ្មានខ្លាចញញើតសោះស្ថិតនៅផ្លូវ លំ ក្រុម ៤ ភូមិ ភ្នំពេញថ្មី សង្កាត់ ភ្នំពេញថ្មី ខណ្ឌ សែន សុខ កាលពីវេលាម៉ោងខាងលើដែលតំណឹងនេះត្រូវបានផ្តល់ពីបងស្រីម្នាក់ដែលរស់នៅទល់មុខផ្ទះខ្ញុំបាទតាមរយះកាមេរ៉ាសុវត្តិភាពដែលចាប់ភ្ជាប់ផ្ទះគាត់ស្របពេលដែលគាត់ក្រោកចូលបន្ទាប់ទឹកពេលនោះពួកយើងក៏បានស្ទុះចុះមកក្រោមភ្លាមៗដោយភ្លេចគិតសូម្បីតែសុវត្តិភាពផ្ទាល់ខ្លួនដោយការបារម្មណ៌ពីសុនខខ្លាំងពេក ទីបំផុតអ្វីៗហាក់ដូចស្ងាត់ច្រងុំនៅពេលដែលពួកយេីងចុះមកដល់ក្រោមមានតែខ្យល់បក់រវេីយៗលាយឡំនិងធូលីវើកៗហាក់ដូចជាបិទបាំងជិតអស់ហើយនូវសកម្មភាពចំរុងនិង ចំរេីនដែលសព្វមួយដងពួកគេតែងតែបានមកស្វាគមន៌យើងមួយតោងជើង មួយហក់កន្រ្ទោងឡេីងទាញអាវខោ អារម្មណ៌ហាក់ដូចជារន្ធត់ទន់អស់ដៃជេីងផ្គួបផ្សំជាមួយអារម្មណ៌ដែលគិតថាគ្មានវិធីណាដែលយើងអាចយកពួកវាមកវិញបានទេ បេីទោះជាអស់សង្ឃឹមយ៉ាងណាក៏នៅតែលេីកទូរសព្ទ័ឡើងទំនាក់ទំនងទៅប៉ូលីសដើម្បីជូនតំណឹងនឹងរកដំណោះស្រាយតែលោកប៉ូលីសឆ្លើយថាគ្មានសង្ឃឹមទេហើយបើមានវិញក៏តិចបំផុតដែរពេលនោះពួកយើងក៏បានឡើងទៅលើផ្ទះវិញដោយក្តីសោកសៅបំផុត ជាអកុសល១៥នាទីក្រោយមកពួកយើងលឺសូរសំលេងម៉ូមកទៀតតែមិនបានបេីកកាត់មុខផ្ទះទេក៏ត្រលប់ថយក្រោយវិញ រំពេចនោះយើងក៏បានឃើញចំរុងត្រលប់មកវិញផងដែរត្រង់នេះយើងពិតងឿងឆ្ងល់ណាស់ថាតើក្រុមចោទាំងនោះយកប្រគល់អោយវិញរឺមួយក្រុមចោរតាមមកចាប់មួយសារទៀតនូវពេលដែលចំរុងអាចរំដោះខ្លួនរត់មកវិញបាន? តែទោះបីជាយ៉ាងក៏យើងសប្បាយចិត្តរីករាយយ៉ាងខ្លាំនូវពេលបានឃេីញវត្តមានចំរុងត្រលប់មកវីញ តែយើងពិតជាសោកស្តាយជាពន់ពេកចំពោះបាត់បង់វត្តមានចំរើនមួយទៀត។ គួររំលឹកផងដែរថាចំរុងដែលបានរត់រួចខ្លួខមកវិញនេះកាលពីថ្ងៃទី ១៦ ខែ មេសា ឆ្នាំ២០១៧កន្លងទៅក៏ធ្លាប់បាត់ខ្លួនមួយដងដែរអស់រយះពេល៨ថ្ងៃឯណោះគឺពីថ្ងៃទី១៦ ដល់ថ្ងៃទី ២៤ខែមេសាឆ្នាំ២០១៧នេះកាលនោះពួកយើងអស់សង្ឃឹមហើយដោយការទន្ទឹមមើលផ្លូវពីមួយថ្ងៃទៅថ្ងៃបាត់តំណឹងឈិងតែម្តងស្រាប់គេបានត្រលប់មកវិញយ៉ាងស្ងៀបស្ងាត់ជាមួយនឹងរូបរាងស្គមស្គាំងគួរសង្វេកបំផុត។

• ចោរលួចឆ្កែ
• ទាក់ឆ្កែ
• បាត់ឆ្កែ
• ឆ្កែ