រាជធានីភ្នំពេញ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបង្កឡើងដោយសាររថយន្តម៉ាកកូរូឡាមួយគ្រឿងចេញពីផឹកសីុស្រវឹងបើកលឿនប្រដេញជាមួយរថយន្តមួយគ្រឿងទៀតហើយជ្រុលបុកម៉ូតូវីវ៉ាមួយគ្រឿងបណ្តាលអោយបុរសម្នាក់ស្លាប់នៅកន្លែងកើតហេតុយ៉ាងអានោចអាធ័ម ចំណែកស្ត្រីជិះពីក្រោយរងរបួសធ្ងន់ដោយឡែករថយន្តបង្កនៅមិនទាន់អស់ល្បឿនបន្តទៅបុកដើមឈើបាក់អស់មួយដើមនិងបន្តទៅបុកបង្គោលក្រឡាប់ផ្ងារជើង។ ហេតុការណ៍នេះបានកើតឡើងកាលពីវេលាម៉ោង១០និង៥០នាទីយប់ថ្ងៃទី៣០ខែមករាឆ្នាំ២០១៧ នៅចំណុចមុខវិទ្យាល័យជាសីុមសាមគ្គី តាមបណ្តោយផ្លូវលេខ២៧១ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ។

ជនរងគ្រោះដែលស្លាប់ឈ្មោះគឹម ម៉ារិន ភេទប្រុសអាយុ៦៣ឆ្នាំ មានស្រុកំណើតនៅសង្កាត់ស្ទងមានជ័យ ខណ្ឌមានជ័យ។ ចុះណែកអ្នករងរបួសនៅមិនទាន់ស្គាល់ឈ្មោះទេ។     

តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញម៉ូតម៉ាកស៊ុយសាគីវីវ៉ា ពណ៍ ពាក់ពាក់ស្លាកលេខសេរីចាស់ បើកបរដោយបុរសម្នាក់និងស្ត្រីម្នាក់ទៀតរួមដំណើរជាមួយធ្វើដំណើរតាមបណ្តោយផ្លូវលេខ២៧១ក្នុងទិសដៅពីជើងទៅត្បូងខណះមកដល់ចំណុចកើតហេតុស្រាប់តែមានរថយន្តម៉ាកកូរូឡា ពណ៍ខៀ ពាក់ស្លាកលេខភ្នំពេញ2H 1637 បើកបរដោយបុរសម្នាក់និងមនុស្សប្រុសស្រី៣នាក់ទៀតរួមដំណើរជាមួយធ្វើដំណើរស្របទិសគ្នាក្នុងល្បឿនលឿនហើយបានវ៉ាជែងនិងរថយន្តមួយគ្រឿងទៀតបណ្តាលអោយជ្រុលបុកម៉ូតូពីក្រោយពេញទំហឹងបណ្តាលអោយអ្នកជិះម៉ូតូបោកក្បាលចេញខួស្លាប់ភ្លាមៗតែម្តងនិងម្នាក់ទៀតរងរបួសធ្ងន់។ ដោយឡែករថយន្តបង្កនៅមិនទាន់អស់ល្បឿនក៏ជ្រុលទៅបុកនិងដើមឈើបាក់អស់មួយដើមហើយរថយន្តបង្កនៅមិនទាន់អស់ល្បឿនក៏បន្តទៅបុកបង្គោលភ្លើដែលបាក់ខ្ទប់ជាមួយផ្ទះប្រជាពលរដ្ឋក្រឡាប់រថយន្តទើទៅមុខលែងរួច។ ចំណែកអ្នកនៅខាងក្នុងរថយន្តមិនមានរងរបួសនោះទេ។   

បើតាមការៀបរាប់ពីស្ត្រីម្នាក់រួមដំណើរក្នុងរថយន្តជាមួយបានប្រាប់ថា បៅមុនពេលកើតហេតុពួកគាត់បានផឹកសីុនៅក្នុងហាងមួយកន្លែង នៅផ្លូវលេខ២០០៤ ពេលផឹកចប់ទើបនគ្នាបើករថយន្តចេញហើយខណះមកដល់ចំណុចកើតហេតុបានវ៉ារថយន្តមួយគ្រឿងនៅខាងមុខទើបជ្រុលចង្កូតទៅបុកនិងម៉ូតូតែម្តង។ ចំណែកអ្នកបើកបរឈ្មោះវ៉ា  មុខរបលក់ទូរស័ព្ទ។ 

ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យចំណែកសពត្រូវបានសមត្ថកិច្ចយកទៅទំនាក់ទំនងហៅក្រុុមគ្រួសារមកទទួលយកទៅធ្វើបុណ្យតាមប្រពៃណី។

ដោយឡែងម៉ូតូនិងរថយន្តរួមទាំងម្ចាស់រថយន្តសមត្ថកិច្ចបាននាំយកទៅការិយាល័យចរាចរណ៍រាជធានីរងចាំដោះស្រាយពេលក្រោយ។                                                   

• រថយន្ត
• បុកម៉ូតូ
• ស្លាប់
• ក្រឡាប់ផ្ងាជើង