|
 |
MENU
|
|
|
|
MENU
|
ភ្នំពេញ៖ ក្រសួងទេសចរណ៍បានចេញផ្សាយរបាយការណ៍មួយរបស់ខ្លួនដោយបានអះអាងថាក្នុងឆ្នាំ២០១៥កន្លងមក កម្ពុជាទទួលបានទេសចរអន្តរជាតិ ៤,៧៨លាននាក់ បន្តកើនឡើង ៦,១ % ថែមទៀត។ តាមនិន្នាការនេះ នឹងជំរុញទេសចរអន្តរជាតិមកកម្ពុជាដែលនឹងកើនឡើងដល់ប្រមាណ៧លាននាក់ ក្នុងឆ្នាំ២០២០ និងទេសចរជាតិប្រមាណពី ៨ទៅ១០លាននាក់បន្ថែមទៀត។
ក្រសួងទេសចរណ៍បានសរសេរនៅលើទំព័របណ្តាញទំនាក់ទងសង្គមហ្វេសប៊ុករបស់ខ្លួនថាក្រសួងទេសចរណ៍មានសេចក្តីរីករាយ សូមជម្រាបជូនសាធារណជនមេត្តាជ្រាបថា ក្រោមពនឺ្លនៃសនិ្តភាព សុវត្ថិភាព សន្តិសុខល្អ ស្ថិរភាពនយោបាយ និងក្រោមការដឹកនាំដ៏ខ្ពង់ខ្ពស់របស់រាជរដ្ឋាភិបាលដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្រ្តី ព្រះរាជាណាចក្រកម្ពុជាគឺជាគោលដៅទេសចរណ៍ “វប្បធម៌ និងធម្មជាតិ លំដាប់ពិភពលោក“ ដែលបាននិងកំពុងទាក់ទាញការមកទស្សនាពីភ្ញៀវអន្តរជាតិរាប់លាននាក់មកពីជុំវិញពិភពលោក។
សកម្មភាពទេសចរណ៍គឺមានភាពរស់រវើកនៅគ្រប់តំបន់ទូទំាងប្រទេស ដោយរួមចំណែកជំរុញសកម្មភាពសេដ្ឋកិច្ចជាតិ។ តំបន់សក្តានុពលទេសចរណ៍ថ្មីៗជាច្រើនរះឡើង ដែលកំពុងស្រូបទាញទេសចរ ហើយបន្ថែមសារៈសំខាន់នៃភាពទាក់ទាញឲ្យកម្ពុជា។
ក្រសួងទេសចរណ៍បានលើកឡើងថាប៉ុន្តែនិន្នាការនេះក៏បានបង្ហាញឲ្យឃើញថា តំបន់អាទិភាពមួយចំនួនហាក់មានការថយចុះខ្លះ ដូចជា សៀមរាប ទទួលបានទេសចរអន្តរជាតិ ២,១ លាននាក់ (២០១៥) ថយចុះ ៩% ធៀបនឹងឆ្នាំ២០១៤ ដែលមានចំនួន ២,៣លាននាក់ ។ ការថយចុះនេះភាគច្រើនតាមផ្លូវគោក ដោយហេតុថា និន្នាការភ្ញៀវធ្វើដំណើរជាអន្តរជាតិថយចុះជារួម ព្រោះការបារម្ភអំពីភេរវកម្មក្នុងពិភពលោក កត្តាសេដ្ឋកិច្ចមានការលំបាក និងបញ្ហានយោបាយនៃប្រទេសមួយចំនួន ។
ក្រសួងទេសចរណ៍លើកឡើងថាម្យ៉ាងទៀតស្ថានភាពជួសជុល និងកែលំអផ្លូវទៅកាន់គោលដៅទេសចរណ៍ ដូចជាផ្លូវ ភ្នំពេញ-សៀមរាប ដែលបាននិងកំពុងកែលំអ ក៏អាចបង្កការលំបាកចំពោះមុខ ហើយបង្វែរភ្ញៀវឲ្យធ្វើដំណើរទៅកាន់គោលដៅទេសចរណ៍ផ្សេងៗទៀត ក្រៅពីសៀមរាប ដូចជាតំបន់ភ្នំពេញទេសចរអន្តរជាតិកើនឡើង២៣% និងតំបន់ឆ្នេរសមុទ្រកើនឡើង ២% ជាដើម។
យ៉ាងណាក៏ដោយ តំបន់សៀមរាប-អង្គរនៅតែជាតំបន់អាទិភាពកំពូលក្នុងទាក់ទាញទេសចរណ៍។ ដោយឆ្នាំ២០១៥ មានការកើនឡើងនៃការហោះហើរត្រង់ មកកាន់ខេត្តសៀមរាប (ពិសេសពីប្រទេសចិន ទេសចរចិនកើន ២៤% ហើយជាប់ចំណាប់ថ្នាក់ទី១ នៃការមកដល់តាមផ្លូវអាកាស)។ កត្តានេះនាំឲ្យភ្ញៀវចូលទស្សនាអង្គរកើនឡើង ២% (២០១៤ មាន ២,០៥លាននាក់ ហើយ២០១៥ មាន ២,១លាននាក់)។
នេះបញ្ជាក់ឲ្យឃើញថា តំបន់អង្គរមានភាពទាក់ទាញ និងការចាប់អាម្មរណ៍យ៉ាងខ្លាំងពីសំណាក់ភ្ញៀវ ហើយទេសចរខ្លះចូលទស្សនាអង្គរច្រើនដង។ ដូច្នេះ ទិន្នន័យភ្ញៀវអន្តរជាតិទៅកាន់ខេត្តសៀមរាប និងចូលទស្សនាប្រាសាទអង្គរមិនដូចគ្នាទាំងស្រុងទេ៕
នៅថ្ងៃទី១៦ កុម្ភៈនេះក្រសួងទេសចរណ៍ បានបើកសិក្ខាសាលាផ្សព្វផ្សាយផែនការ យុទ្ធសាស្រ្ដ បញ្រ្ជាប យេនឌ័រ ក្នុងវិស័យទេសចរណ៍ដំណាក់កាលទី៣ឆ្នាំ២០១៦-២០១៨។ ជាលទ្ធផល នៃ សិក្ខាសាលានេះដើម្បី លើកកម្ពស់ សមភាពយេនឌ័រ ក្រសួងទេសចរណ៍ សម្រេចសហការ ជាមួយ ក្រសួង ស្ថាប័នពាក់ព័ន្ធ ដែលជាការឆ្លើយតបទៅនឹង គោលនយោបាយ និងយុទ្ធសាស្រ្ត ចតុកោណ ដំណាក់កាលទី៣ ដើម្បីកំណើន ការងារ សមធម៌ និងប្រសិទ្ធភាព របស់រាជរដ្ឋាភិបាល ដែលជាផ្នែក មួយនៃការរួម ចំណែក ជំរុញកំណើនសេដ្ឋកិច្ចកម្ពុជា និងផ្តល់ឱកាសការងារ កាន់តែច្រើនដល់ស្រ្តី សម្រាប់ពង្រឹងភាពជាម្ចាស់ និងជួយបង្កើនសេដ្ឋកិច្ចគ្រួសារ និងសង្គមជាតិ ។
លោក ថោង ខុន រដ្ឋមន្រ្តីក្រសួងទេសចរណ៍ បានថ្លែង នៅក្នុងសិក្ឋាសាល នេះថា វិស័យ ទេសចរណ៍បានកា្លយទៅជាវិស័យដ៏មានសក្តានុពលក្នុងការជំរុញកំណើនសេដ្ឋកិច្ច សង្គមទាំងក្នុង កម្រិតជាតិ តំបន់ និងអន្តរជាតិ។លោកបន្តថា វិស័យមួយនេះស្ថិតក្នុងចំណោមវិស័យសំខាន់ៗនានា ដែលទ្រទ្រង់សេដ្ឋកិច្ចជាតិ ដែល បានរួមចំណែក ប្រមាណ៩%នៃGDP ពិភពលោកបង្កើត ឱកាស ការងារ និងជាវិស័យដែលរួមចំណែកប្រមាណ ៣០% នៃផ្នែកសេវាកម្មលើពិភពលោក ។
លោករដ្ឋមន្រ្តីបានបញ្ជាក់ទៀតថាផ្តើមចេញពីកំនើននេះ អង្គការទេសចរណ៍ពិភពលោក ក៏បានផ្តើមគំនិត ផ្សព្វផ្សាយ អំពីផលវិជ្ជមាននៃវិស័យទេសចរណ៍ក្រោមយុទ្ធនាការ«១ប៊ីលានទេសចរ១ប៊ីលានឱកាស»។
គេចាំថា កាលពីឆ្នាំ២០១៥ ទេសចរពិភពលោកមានចំនួនសរុប ១,១៨៤ លាននាក់ កើនឡើង ៤% បើប្រៀបធៀបទៅនឹងឆ្នាំ២០១៤។ របាយការណ៍របស់ក្រុមប្រឹក្សាទេសចរណ៍ ពិភពលោកបាន បង្ហាញ ថា ទេសចរណ៍ពិភពលោកបានបង្កើតនូវឱកាសការងារប្រមាណជាង២៧០លាននាក់ ក្នុងនោះស្រ្តី មានជិត ៧០ភាគរយ ហើយស្រ្តីដែលកាន់តួនាទីជាអ្នកគ្រប់គ្រងតិចជាង៤០% ស្រ្តីដែលកាន់ តួនាទី ជាអ្នកចាត់ការ ទូទៅតិចជាង២០% និងស្រ្តីដែលមានឋានៈជាក្រុមប្រឹក្សាភិបាល ចន្លោះពី ៥ ទៅ៨%។
