ខេត្តបាត់ដំបង ៖ នាវេលាព្រឹកថ្ងៃទី ១៧ ខែកញ្ញា ឆ្នាំ២០១៦ សាលាខេត្តបាត់ដំបង បានប្រារព្ធពិធីដាំកូនឈើ និងលែងកូនត្រីក្នុងឧទ្យានសម្តេចក្រឡាហោម ( ស ខេង )ស្រុកបាណន់ និងបើកការដ្ឋានស្ថាបនាផ្លូវខេត្តលេខ១៥៧១ក្រាលកៅស៊ូ  D B S T ប្រវែង ៧• ០០០ ម៉ែត្រចាប់ពីភ្នំគល់ ឃុំកន្ទី២ដលរង្វង់មូលយាយទូលក្រូច ភូមិចែង ឃុំចែងមានជ័យ ស្រុកបាណន់ ខេត្តបាត់ដំបង ក្រោមអធិបតីភាពដ៏ខ្ពង់ខ្ពស់របស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ។

ក្នុងនោះដែរក៏មានវត្តមានចូលរួមពីសំណាក់ឯកឧត្តម ច័ន្ទ សុផល អភិបាល នៃគណះអភិបាលខេត្តបាត់ដំបង រួមទាំមន្ត្រីចំណុះជំនាញស៊ីវិល និងកម្លាំងគ្រប់ជាន់ថ្នាក់ចំណុះអោយខេត្តបាត់ដំបង ជាច្រើននាក់ទៀតផងដែរ ។

ឈ្លៀតក្នុងឱកាសខាងលើនេះ សម្តេចក្រឡាហោម ស ខេង បានមានប្រសាសន៍ថាយើងត្រូវនាំគ្នាការពារព្រៃឈើ និង សំុអោយបងប្អូនប្រជាពលរដ្ធជួយការពារព្រៃទាំងអស់គ្នា ព្រមទាំងមានការដាំកូនឈើឡើងវិញចំនួន ( ២៣០០ដើម ) ប្រភេទឈើក្រញ៉ូងមានចំនួន ១១០ ដើម , ឈើបេង ៥០០ដើម , គគីរ ១០០០ដើម និងកូនឈើទាល ៥០០ ដើម ។ ព្រៃឈើទាំងនេះជារុក្ខជាតិពរបៃតងដែលនាំមកនៅខ្យលបរិសុទ្ធល្អជួយការពារសុខភាពទៅដល់រាង្គកាយមនុស្ស និងធ្វើឲ្យមនុស្សមានសុខភាពល្អ។ដែលមានផ្ទៃដី២ហិចតា នៅទល់មុខប្រសាទបាណន់ដែលជារុក្ខជាតិពណ៌បៃតងមកពីធម្មជាតិផងដែរ។

ក្នុងឱកាសនោះ សម្តេចក្រឡាហោម ក៏បានធ្វើពិធីដោះលែងកូនត្រីស្ពិនមានចំនួន(១៣០០ក្បាល)មានបឹងជម្រៅ៥ម៉ែត្រ និងត្រីអណ្តែងជាច្រើនក្បាលទៀតផងចូលទៅក្នុងបឹងនោះ ។ បន្ថែមពីនោះ ក្រោយពេលបញ្ចប់កម្មវិធីសម្តេចក៏បានអញ្ចើញចុះទៅត្រួតពិនិត្យមើលការដ្ធានមួយកន្លែងដែលកំពង់សាងសង់ផ្លូវ និងចាក់កៅស៊ូDBSTនៅឃុំកន្ទី២ ផងដែរ ៕

• កូនឈើ
• ឧទ្យាន
• កូនត្រី
• ស្រុកបាណន់