ខេត្តកំពង់ឆ្នាំង៖ អ្នកយកព័ត៌មានម្នាក់បានស្លាប់ភ្លាមៗនៅកាណូតដរពេលដែលកាណូតដរបានចេញដំណើរបានពាក់កណ្តាលផ្លូវក្នុងដំណើរបំពេញបេសកកម្មទៅស្រុកកំពង់លែង ។ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោងជិត៩ព្រឹក ថ្ងៃទី១៥ ខែសីហា ឆ្នាំ២០១៦ ត្រង់ចំណុចកែងបត់ដីដុលស្ថិតនៅព្រំប្រទល់រវាងស្រុកកំពង់លែង និង ក្រុងកំពង់ឆ្នាំង  

សមត្ថកិច្ចបានអោយដឹងថាបុរសដែលស្លាប់នេះមានឈ្មោះថា រស់ សំអាត អាយុ៥២ឆ្នាំរស់នៅភូមិត្រពាំងបីសង្កាត់ផ្សារឆ្នាំង ក្រុងកំពង់ឆ្នាំងជាអ្នកយកព័តមានអោយការសែតខ្មែរម្ចាស់ស្រុកបានធ្វើដំណើរឡើងជិះកាណូតនៅជើងម៉ោង៨និង៣០នាទី ។ 

អ្នកឃើញហេតុការណ៍បានអោយដឹងថានៅមុនពេលកើតហេតុគេឃើញបុរសរូបនេះមានសភាពស្លេកស្លាំងប៉ុន្តែអង្គុយជជែកគ្នាលេងធម្មតានៅផ្នែកខាងលើក្បែរកន្លែងអ្នកបើកបរការណូតផងដែរ ស្រាប់តែនៅពេលកាណូតបានចេញដល់ពាក់កណ្តាលផ្លូវត្រង់ចំណុចព្រែកដីដុលដែលជាកន្លែងស្តាព្រែកនោះក៍មានអាការៈក្អកយ៉ាងខ្លាំងនិងក្អួតរហូតដល់ធ្លាក់ឈាមយ៉ាងច្រើនទៀតផងពេលនោះក៍ប្រាប់អ្នកបើកបរអោយឈប់ហើយចង់ត្រឡប់ទៅវិញឃើញដូចនេះអ្នកបើកបរបានបង្អង់ល្បឿននិងបាននាំគ្នាជួយសង្រ្គោះគាត់ពេលនោះបុរសរូបនេះបានលុតជង្គង់ និង បានក្អួតម្តងទៀត ហើយធ្លាក់ឈាមកាន់តែច្រើននិងបានដាច់ខ្យល់ស្លាប់ភ្លាមៗតែម្តង ។

ក្រោយពេលកើតហេតុសមត្ថកិច្ចនគរបាលស្រុកកំពង់លែង បានមកពិនិត្យធ្វើកោសល្យវិច័យនិងបានធ្វើកាសន្និដ្ឋានជាលើកដំបូងថាបុរសជាអ្នកយកព័តមានអោយកាសែតខ្មែរម្ចាស់ស្រុកនេះស្លាប់ដោយសារធ្លាក់ឈាមច្រើនពេកគឺដោយសារជំងឺខ្លួនឯងផ្ទាល់។ ក្រោយពីពិនិត្យសាកសពរួចសមត្ថកិច្ចបានប្រគល់សាកសពជូនទៅអោយក្រុមគ្រួសារដើម្បីធ្វើបុណ្យតាមប្រពៃណី ៕

• ព័ត៌មាន
• ស្លាប់
• កាណូតដរ
• បេសកកម្ម