ខេត្តកណ្តាល៖  នារីវ័យក្មេងម្នាក់បានស្លាប់នៅនិងកន្លែងកើតហេតុកាលពីវេលាម៉ោង១ និង៤៥នាទីរសៀសថ្ងៃទី២៥ ខែមេសា ឆ្នាំ២០១៦ នៅលើកំណាត់ផ្លូវជាតិលេខ៦ ក្នុងចន្លោះស្ពានទី១៣-១៤ ស្ថិតនៅភូមិ-ឃុំឫស្សីជ្រោយ ស្រុកមុខកំពូល ខេត្តកណ្តាល ខណៈនារីរងគ្រោះបានបើកម៉ូតូជ្រុលចង្កូតទៅបុកនិងបង្គោលស្លាកសញ្ញាចំណាំងផ្លូវ។

សមត្ថកិច្ចបានឲ្យដឹងថា ជនរងគ្រោះមានឈ្មោះ គង ណារី អាយុ២២ឆ្នាំ មានទីលំនៅភូមិ-ឃុំក្តីដូង ស្រុកកំពង់ស្វាយ ខេត្តកំពង់ធំ។ មុនពេលកើតហេតុនាងបានបើកម៉ូតូម៉ាកហុងដា សេ១២៥ ពណ៌ក្រហម ពាក់ស្លាកលេខភ្នំពេញ1B-2522 ធ្វើដំណើរក្នុងទិសដៅពីត្បូងទៅជើង លុះមកដល់ចំណុចកើតហេតុមិនដឹងជាមូលហេតុអ្វីច្បាស់លាស់ឬក៏ងងុយដេកក៏បានជ្រុលចង្កូតទៅបុកនិងបង្គោលស្លាកសញ្ញាចំណាំងផ្លូវនៅអែបចញ្ចើមផ្លូវបណ្តាលឲ្យរងរបួសផ្នែកត្រង់ក្បាល។ ដោយមុខរបួសមានសភាពធ្ងន់ធ្ងរពេកនារីខាងលើក៏បានស្លាប់នៅកន្លែងកើតហេតុ ហើយក៏ត្រូវបានសមត្ថកិច្ចចុះអន្តរាគមន៍ដើម្បីស្វះស្វែងរកសាច់ញាតិដើម្បីមកទទួលយកសពទៅធ្វើបុណ្យតាមប្រពៃណី៕

• ស្លាកសញ្ញា
• ស្លាប់