MENU
កីឡា
រាជធានីភ្នំពេញ៖ លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានប្រកាសក្នុងពិធីសន្និសីទកាសែតកាលថ្ងៃទី២២ ខែឧសភា ឆ្នាំ២០១៧ ថា ព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងភ្នំពេញអន្តរជាតិលើកទី៧ នឹងធ្វើនៅថ្ងៃទី ១៦ ខែមិថុនា ឆ្នាំ២០១៧ ដែលចេញដំណើ និងបញ្ចប់នៅមុខព្រះបរមរាជវាំង។   អគ្គលេខារូបនេះ បានបញ្ជាក់ថាព្រឹត្តិការណ៍មាន គោលបំណងដើម្បីអបអរសាទរព្រះរាជពិធី បុណ្យចម្រើនព្រះជន្មសម្ដេចព្រះមហាក្សត្រីនរោត្តម មុនីនាថសីហនុព្រះវររាជមាតាជាតិខ្មែរ ។ការរត់នេះដើម្បីទីក្រុងស្អាតនិងបៃតងរត់ដើម្បីសប្បុរសធម៌ រកថវិកាជួយដល់មន្ទីរពេទ្យគន្ធបុប្ផា និងរត់ដើម្បីភ្នំពេញជាគោលដៅទេសចរណ៍ និងជួយដល់សង្គម ។ លោក វ៉ាត់ ចំរើន បានអំពាវនាវថា សូមប្រញាប់រួសរាន់ អ្នកដែលចង់ចូលរួមក្នុងព្រឹត្តិការណ៍ នេះសូមមកចុះឈ្មោះឲ្យបានប្រញាប់ប្រញាល់កុំអោយខកខាន។  គិតត្រឹមពេលនេះមានជនបរទេសប្រមាណ២០០នាក់ហើយដែលមកពី២៦ប្រទេសបានចុះឈ្មោះចូលរួម ហើយកម្ពុជាវិញក៏មានប្រមាណ៣០០នាក់ដែរ ។ លោកនឹងខំធ្វើឲ្យព្រឹត្តិការណ៍ភ្នំពេញម៉ារ៉ាតុងនេះឲ្យកាន់តែមានទំំហំធំដូច ព្រឹត្តិការណ៍ញូយ៉កម៉ារ៉ាតុង តូក្យូម៉ារ៉ាតុង ប៉ារីសម៉ារ៉ាតុង ឬ ប៉េកាំងម៉ារ៉ាតុង ដែកលើកនេះក៏ជាព្រឹត្តិការណ៍កីឡាដើម្បី គោលដៅទេសចរណ៍ ។ សូមបញ្ជាក់ថា  ព្រឹត្តិការណ៍នេះមានរត់ចម្ងាយ២១គីឡូម៉ែត្រ ពាក់កណ្ដាលម៉ារ៉ាតុង រត់១០គីឡូម៉ែត្រ និងរត់កំសាន្តជាលក្ខ ណៈគ្រួសារចម្ងាយ៣គីឡូម៉ែត្រ ។ ចំពោះតម្លៃបង់សិទ្ធចូលរួមចម្ងាយ២១គីឡូម៉ែត្រសម្រាប់ជនបរទេស៤០ដុល្លារ កម្ពុជា១៥ដុល្លារ , ១០គីឡូ ម៉ែត្រជនបរទេស៣០ដុល្លារ កម្ពុជា១០ដុល្លារ និង៣គីឡូម៉ែត្រ ជនបរទេស១០ដុល្លារ និង កម្ពុជា៥ដុល្លារ ហើយ សម្រាប់ជនជាតិខ្មែរស្រាប់រត់៣គីឡូម៉ែត្រជួនកាលមិនទាំងយកលុយផងទេ ។ ដោយ បូរិន                                               
ថ្ងៃពុធ ទី២៤ ឧសភា ២០១៧, ១៧:៣៣ | ០ មតិ | ១០៧ ដង

រាជធានីភ្នំពេញ៖ ការប្រកួតទាញព្រ័ត្រថ្នាក់ជាតិឆ្នាំ២០១៧លើកទី១ចាប់ពីថ្ងៃទី១៩ ដល់២២ ខែឧសភា ឆ្នាំ២០១៧ បានរកឃើញជើងឯកហើយ ដែលមាន៨រាជធានី-ខេត្តចូល រួមគឺខេត្តកំពត សៀមរាប កណ្ដាល ព្រៃវែង ស្ទឹងត្រែង ស្វាយរៀង កំពង់ឆ្នាំង និងរាជធានីភ្នំពេញមាន១៣ក្រុម ។ លទ្ធផលវិញ្ញសាអាយុក្រោម២៣ឆ្នាំផ្នែកនារីលេខ១ ខេត្តសៀមរាប  លេខ២ មន្ទីខេត្តស្វាយរៀង លេខ៣ វិទ្យាស្ថានជាតិអប់រំកាយនិងកីឡា។ វិញ្ញាសាចម្រុះ បុរសនិងនារី លេខ១ ក្លឹបរាជសីហ៍មានរិទ្ទ លេខ២ វិទ្យាស្ថានជាតិអប់រំកាយនិងកីឡា លេខ៣ មន្ទីរអប់រំយុវជននិងកីឡាខេត្តកណ្តាល។ វិញ្ញសាអាយុ២៣ឆ្នាំបុរស លេខ១ ក្រសួងការពារជាតិ លេខ២ វិទ្យាស្ថានជាតិអប់រំនិងកីឡា លេខ៣ មន្ទីរអប់រំយុវជននិងកីឡាខេត្តព្រៃវែង។ វិញ្ញសាអាយុលើអាយុ២៣ឆ្នាំនារី លេខ១ ក្រសួងការពារជាតិ លេខ២ អង្គភាពមិត្តសម្លាញ់ លេខ៣ វិទ្យាស្ថានជាតិអប់រំកាយនិងកីឡា ។ សូមបញ្ជាក់ថា ការប្រកួតនេះមាន៨រាជធានី-ខេត្តចូល រួមគឺខេត្តកំពត សៀមរាប កណ្ដាល ព្រៃវែង ស្ទឹងត្រែង ស្វាយរៀង កំពង់ឆ្នាំង និងរាជធានីភ្នំពេញមាន១៣ក្រុម ។ សមាគម-ក្លឹបដែលចូលរួមសរុបចំនួន២០ចែកជា៤៧ក្រុមក្នុងនោះ មានកីឡាករ-កីឡាការិនីចូលរួមចំនួន៤៤០នាក់ដែលក្នុងនោះមានកីឡាការិនី១៩០នាក់មកពី១៨ សមាគមក្លិប ។ការប្រកួតមាន ៥ វិញ្ញាសាគឺវិញ្ញាសាបុរសអាយុក្រោម២៣ឆ្នាំ នារីអាយុក្រោម២៣ឆ្នាំ បុរសអាយុ លើ២៣ឆ្នាំ នារីអាយុលើ២៣ឆ្នាំ និង វិញ្ញាសាច្រុះបុរស-នារី ៕ដោយ បូរិន  
ថ្ងៃពុធ ទី២៤ ឧសភា ២០១៧, ១៥:៣៦ | ០ មតិ | ១២៧ ដង

រាជធានីភ្នំពេញ៖  បន្ទាប់ពីក្រុមចំណូលថ្មី Blue Dragon បានបង្ហាញភាពខ្លាំងរបស់ខ្លួនដោយយកឈ្នះគូប្រកួតជាបន្តបន្ទាប់ នោះលោក គីម ហ៊ាង  អគ្គនាយកក្រុមហ៊ុន ខ្មែរ រៀល អ៊ីស្ទេត និងជាស្ថាបនិកបង្កើតពានបានកោតសសើរលើក្រុមចំណូលថ្មី Blue Dragon ក្ដែងៗ ថាពិតជាខ្លាំងមែនមិនសសើរមិនបាន។ ក្រុមចំណូលថ្មី Blue Dragon បានបន្ថែម ៣ពិន្ទុក្នុងពានមិនអាជីព Khmer Real Estate League 2017(KRE-League) ម្ដងទៀត ក្រោយយកឈ្នះ ក្រុមបាយ័នដោយលទ្ធផល ៣-១ កាលពីថ្ងៃអាទិត្យទី ២១ កន្លងទៅ ដែលជ័យជម្នះនេះ បានបង្កភាពភ្ញាក់ផ្អើលដល់ក្រុមផ្សេងទៀត រហូតធ្វើឲ្យក្រុមខ្លះកើតក្ដីបារម្ភក្នុងការស្វែងរកកៅអី ៤ក្រុមចុងក្រោយទៀតផង ។ លោក គីម ហ៊ាង  បានមានប្រសាសន៍ថា Blue Dragon ពិតជាខ្លាំងមែន ដោយបានឈ្នៈទាំង Bayon, Anvayar និង ក្រុមខ្លាំងៗជាច្រើនទៀត! តែទោះជាយ៉ាងណា នៅពេលជូបក្រុម Blue Dragon ខ្សែប្រយុទ្ឋលេខ១០ របស់ក្រុម Khmer United FC អាចនឹងបង្ហាញខ្លួន ។ ខ្សែប្រយុទ្ធលេខ១០ John Botioba  ជាកីឡាករបរទេស មកពីប្រទេសកាមេរ៉ូន ជាខ្សែប្រយុទ្ធ ដ៍មុតស្រួចរបស់ក្រុម  Khmer United FC ដែលជាក្រុមរបស់ លោក គីម ហ៊ាង ផ្ទាល់  ។ ឆ្លងកាត់ការប្រកួត ៩សប្ដាហ៍កន្លងទៅ ពេលនេះក្រុម Blue Dragon កំពុងឈរលេខរៀងទី២ ប៉ុន្ដែមាន ២២ពិន្ទុស្មើគ្នាជាមួយក្រុមកំពូលតារាង Khmer United ដែរ បន្ទាប់ពីបញ្ចប់ការប្រកួត ៩លើកឈ្នះ ៧ ស្មើ១ និងចាញ់១ ក្នុងនោះប្រកួតចុងក្រោយរបស់ក្រុម Khmer United បានយកឈ្នះក្រុម Goodhill ដោយលទ្ធផល ១-០ ។ ជាមួយគ្នានេះដែល លោក ព្រាប សុខនិស្ស័យ ថ្នាក់ដឹកនាំក្រុមនិស្ស័យ បានលើកឡើងថា៖ រដូវកាលថ្មីនៃពាន KRE-League 2017 នេះ ពិតជាមានការប្រកួតប្រជែងខ្លាំង ដោយសារមានក្រុមខ្លាំងៗជាច្រើនចូលរួម ពិសេសគឺក្រុមចាស់វស្សា Khmer United និងក្រុមចំណូលថ្មី Blue Dragon ។ លោកបន្ដថា៖ ខ្លួនពិតជាមានការព្រួយបារម្ភចំពោះក្រុម Blue Dragon ដែលពុំទាន់ជួប ព្រោះក្រុមនេះពិតជាខ្លាំង តែយ៉ាងលោកនឹងព្យាយាមជំរុញកូនក្រុមធ្វើឲ្យបានល្អ ដើម្បីរក្សាកៅអី ៤ក្រុមចុងក្រោយរបស់ខ្លួន ៕ដោយ បូរិន                                                                                                                                                            
ថ្ងៃពុធ ទី២៤ ឧសភា ២០១៧, ១៤:០៣ | ០ មតិ | ១០៥ ដង

រាជធានីភ្នំពេញ៖ កីឡាករ ឡេះ តើក មកពីក្លឹបពុទ្ធសេរីវង្សពោធិសែនជ័យ បានយកស្មើជាមួយកីឡាករជើងខ្លាំងមកពីប្រទេសថៃឈ្មោះ Supachai នៅលើសង្វៀនភីអិនអិនកាលពីថ្ងៃអាទិត្យទី២១ឧសភាកន្លងមកនេះ។ កីឡាករថៃសុទ្ធតែមិនធម្មតាឡើយបើតាមប្រវត្តិប្រកួតយ៉ាងល្បីល្បាញរបស់ពួកគេបំផុតដែលមិនធ្លាប់ឈានជើងមកប្រកួតនៅស្រុកខ្មែរជាច្រើនលើករួចមកហើយដែលការប្រកួតនាពេលកន្លងមកធ្លាប់ផ្ដួលអ្នកប្រដាល់ជើងខ្លាំងកម្ពុជាមិនតិចនាក់នោះទេក្នុងនោះមានទាំងកីឡាករ ឡុង សុភី មកពីក្លិបសាលវ័ន្តកីឡា ។ មហាជនមានការភ្ញាក់ផ្អើលចំពោះកីឡាករ ឡេះ តើក ដែលបានយកស្មើជាមួយអ្នកប្រដាល់ជើងខ្លាំងមកពីថៃរូបនេះបាន។ នៅមុនពេលប្រកួតអ្នកណាក៍គិតថាឡេះតើកពិតជាមិនអាចទៅរួចជាមួយSupachaiបានឡើយហើយគេថែមទាំងហ៊ានធ្វើការវាយតំលៃទុកមុនថាកីឡាករ ឡេះ តើក ដែលមិនអាចស៊ូប្រកួតបានដល់ទឹកទី៥នោះទេ។ អ្នកទស្សនាកាន់តែមិនទុកចិត្តថែមទៀតនោះគឺការប្រកួតនៅត្រឹមទឹកទី១និងទី២តែម្ដងឡេះ តើក ត្រូវបានកីឡាករថៃវាយស្ទើតែមិនអាចតដៃរួចម្ដងហើយ។ ដល់ទឹកទី៣ភ្លាមកីឡាករ ឡេះ តើក បានសម្រុកចូលវាយនិងទាត់ជើងក្រោមយ៉ាងសន្ធាប់ធ្វើឱ្យអ្នកទស្សនាភាកច្រើនមានការភ្ញាក់ផ្អើលយ៉ាងខ្លាំងជាពិសេសគេបានម៉ាត់ចូលមុខកីឡាករថៃពេញៗ និងទាត់ឱ្យដួលជាច្រើនលើកច្រើនសា។ អ្នករៀបចំកម្មវិធីប្រកួតនៅលើសង្វៀនភីអិនអិនបានធ្វើការប្រកាសនៅមុនពេលប្រកួតថាកីឡាករថៃរូបនេះធ្លាប់ដណ្ដើមបានខ្សែក្រវាត់ចំនួនពីរ នៅប្រទេសថៃ ម្យ៉ាងវិញទៀតសូម្បីតែកំពស់ក៍ខ្ពស់ជាងកីឡាករ ពុទ្ធ ហ៊ុច ផងដែរ។ ដល់ទីបំផុតមិនអាចទៅរួចជាមួយ ពុទ្ធ ហ៊ុច បានឡើយដោយបានប្រកួតចាញ់ពិន្ទុ។ សូមបញ្ជាក់ថាការប្រកួតនៅត្រឹមទឹកទី១និងទី២ដំបូងកីឡាករ ពុទ្ធ ហ៊ុចត្រូវកីឡាករថៃរូបនេះទាត់យ៉ាងសន្ធាប់សំដោកញ្ចឹងក ប៉ុន្តែពុទ្ធហ៊ុចគេផុតរហូតថែមទាំងបានសម្រុកចូលគៀកវាយបកសងវិញ ដោយគ្មានការកោតញញើតបន្តិចណាឡើយ។ ចូលដល់ទឹកទី៣ និងទី៤ ពុទ្ធ ហ៊ុន ហាក់បីដូចជាមានប្រៀបជាងវិញគេបានម៉ាត់សំដៅមុខនិងពោះទឹកកីឡាករថៃចូលពេញៗ តែមានពេលខ្លះក៍ត្រូវកីឡាករថៃទាត់សងវិញដើម្បីរារាំងមិនឱ្យពុទ្ធ ធ្វើអ្វីលើរូបគេបានតាមអំពើរចិត្តនោះទេ។តែពុទ្ធ ហ៊ុចនៅតែបន្តសម្រុកចូលវាយរហូតដល់ចប់ទឹកទី៥បានធ្វើឱ្យកីឡាករថៃចាញ់ពិន្ទុទាំងមិនអស់ចិត្ត។ ចំណែកកីឡាករ ឡុង រ៉ាមី ដែលមកពីក្លិបខ្លារខិនមានរិទ្ធបានប្រកួតឈ្នះពិន្ទុកីឡាករអេរ៉ាវ៉ាន់ ចាន់រាជ ដែលមកពីក្លិបកុសលកីឡា ខណៈរិន សារត្នមកពីក្លិបទីបញ្ជាការដ្ធានកងទ័ពជើងទឹកបានយកឈ្នះសុខ ចិន្ដាមកពីក្លិបឃ្លាំងមឿងកីឡាបានដោយពិន្ទុ៕ដោយ បូរិន                        
ថ្ងៃពុធ ទី២៤ ឧសភា ២០១៧, ១៣:៥៦ | ០ មតិ | ១២១ ដង

រាជធានីភ្នំពេញ៖  ឧកញ៉ា ស្រី ចាន់ថន បានប្រកាសជាសាធារណៈថាចង់បង្កើតក្លឹបប្រដាល់គុនខ្មែរក្នុងទឹកដីរបស់លោកនៅវិហារសួគ៌និងបន្តសកម្មភាពជួយសហព័ន្ធកីឡាប្រដាល់គុនខ្មែរឱ្យមានរីកចម្រើនទៅមុខទៀត។ អ្នកស្រលាញ់កីឡារូបនេះអះអាងនឹងជួយអស់ពីដៃពីជើងសម្រាប់ សហព័ន្ធមួយនេះមិនអោយចែវទូកកណ្តាលទន្លេម្នាក់ឯងនៅឡើយ សម្រាប់ការអភិវឌ្ឍន៍និងជ្រោមជ្រែង បន្តសកម្មភាពទៅមុខទៀត។ ក្នុងពិធីប្រគល់តំណែងអនុប្រធានកត្តិយសសហព័ន្ធកីឡាប្រដាល់គុនខ្មែរជូនឧកញ៉ា ស្រី ចាន់ថន ក្រោមវត្តមាន លោក តែម ម៉ឺន ប្រធានសហព័ន្ធ កាលពីព្រឹកថ្ងៃទី១៩ ខែឧសភា ឆ្នាំ២០១៧ នៅទឹកដីSky Land ឃុំវិហារសួគ៌ខេត្តកណ្តាល លោកឧកញ៉ា ស្រី ចាន់ថន  បានអះអាងថា លោកនឹងបន្តជួយគ្រប់សកម្មភាពនៃវិស័យប្រដាល់គុនខ្មែរ ជាពិសេសសម្រាប់ការឧបត្ថម្ភ និង ដោះស្រាយបញ្ហារបស់កីឡាករដែលចេញប្រកួតក្រៅប្រទេសតែងតែមានលំបាកជាច្រើន។ លោកប្តេជ្ញាថា លោកលែងមើលនឹងភ្នែក ឬ គ្រាន់មើលដឹងលឺតាមហ្វេសប៊ុកហើយប្រើកូនចៅយកអំណោយជូនទៀតហើយ។ លោកនឹងជួយអស់ពីលទ្ធភាពតាមរយៈការការងារដោះស្រាយផ្ទាល់ជូន និង បង្កើតកម្មវិធីជាច្រើនសម្រាប់កីឡាករ។ អ្នកស្រុកវិហារសួគ៌ដែលតែងតែហៅរូបលោកថាឧកញ៉ាចិត្តធម៌នោះ ក៏បានបង្ហើបថា លោកនឹងមានគម្រោងបង្កើតក្លឹបប្រដាល់គុនខ្មែរ មួយដែលចង់ដាក់ទីតាំងក្នុងទឹកដីរបស់ផ្ទាល់ដើម្បីបន្តលើកស្ទួយវិស័យកីឡានេះមានភាពរីកចម្រើន ។ លោកក៏ខំប្រឹងព្យាយាមជម្រុញជួយដល់សហព័ន្ធនិងកីឡាករកម្ពុជាក្នុងការចេញទៅឆាកអន្តរជាតិដើម្បីលើកមុខកម្ពុជាឱ្យកាន់តែល្បីនិងមានមោនទភាពជាខ្មែរ។ សូមបញ្ជាក់ថា ក្នុងពិធីប្រគល់តំណែងអនុប្រធានកត្តិយសសហព័ន្ធកីឡាប្រដាល់គុនខ្មែរ ជូនលោកឧកញ៉ា ស្រី ចាន់ថន នោះលោកក៏បានធ្វើការឧបត្ថម្ភថវិកា១ពាន់ដុល្លារអាមេរិកដល់កីឡាករបីរូបគឺ ឡៅ ច័ន្ទទ្រា មឿន សុភា និងសេន ប៊ុនថេន ដែលចេញទៅវ៉ៃដណ្តើមខ្សែក្រវ៉ាត់នៅប្រទេសបារាំង ប៉ុន្តែមានតែកីឡាករ មឿន សុភា និង សេន ប៊ុន បានផ្តួលដៃគូប្រកួតកីឡាករម្ចាស់ផ្ទះបារាំង ដើម្បីឈ្នះខ្សែក្រវាត់ម្នាក់១ដូចគ្នា។ ក្នុងពិធីនោះ មានកីឡាករប្រដាល់ចូលរួម២៥នាក់ ព្រមទាំងមន្ត្រីសហព័ន្ធនិងសមាជិកជាច្រើនមានវត្តមានជាសាក្សីនិងដឹងលឺពីសមាភាពថ្មី អនុប្រធានកត្តិយសសហព័ន្ធកីឡាប្រដាល់គុនខ្មែរ ជូនលោកឧកញ៉ា ស្រី ចាន់ថន នាថ្ងៃទី១៩ ខែឧសភា ឆ្នាំ២០១៧៕ដោយ បូរិន                                                 
ថ្ងៃសុក្រ ទី១៩ ឧសភា ២០១៧, ១៥:០៣ | ០ មតិ | ៤៩១ ដង

រាជធាមនីភ្នំពេញ៖​  លោកគ្រូប្រដាល់គុនខ្មែរ អេ ពូថង  នឹងត្រូវឡើងវ៉ៃជាមួយកីឡាករថៃក្នុងព្រឹតិ្តការណ៍មួយប្រមូលថវិកាដើម្បីជួយមន្ទីរពេទ្យគន្ធបុប្ផា នាពេលខាងមុខនេះ ។ បើតាមគម្រោងលោកបានបញ្ជាក់ថាការឡើងវ៉ៃរបស់លោកនឹងធ្វើនាខែកក្កដា ឆ្នាំ២០១៧។ គ្រូប្រដាល់រូបនេះបានបង្ហើបថា លោកមានព្រឹត្តិការណ៍មួយដែលនឹងជួបកីឡាករប្រដាល់ខ្លាំងម្នាក់ពីប្រទេសថៃដើម្បីប្រមូលថវិកាពីអ្នកទស្សនាដើម្បីជួយដល់មន្ទីរពេទ្យគន្ទបុប្ផា ប្រហែលក្នុងអំឡុងខែកក្កដាឆ្នាំ២០១៧ខាងមុខនេះ។ ប៉ុន្តែគម្រោងនេះមិនទាន់ច្បាស់លាស់ចំពោះការរៀបចំនៅឡើយ។ អតីតកីឡាករកំពូលប្រចាំកម្ពុជារូបនេះបានបញ្ជាក់ថា សម្រាប់ការប្រកួតនេះលោកនឹងឡើងជាមួយកីឡាករថៃ ក្នុងលក្ខណៈវ៉ៃពិតប្រាកដមិនមែនឡើងវ៉ៃជាលក្ខណៈការប្រកួតមិត្តភាពនោះទេ។ សម្រាប់គីឡូវិញ គឺមិនបានកំណត់ឡើយ គ្រាន់តែមិនដឹងថាច្បាស់ថា កីឡាករថៃរូបណាសម្រាប់មកកម្ពុជាមកប្រកួតជាមួយលោក ខណៈគណៈកម្មការរៀបចំកម្មវិធីកំពុងគិតនិងរៀបចំគម្រោងនេះឡើយ៕ដោយ បូរិន  
ថ្ងៃពុធ ទី១៧ ឧសភា ២០១៧, ០៧:២០ | ០ មតិ | ១៦៦ ដង

រាជធានីភ្នំពេញ៖  សហព័ន្ធប្រដាល់សាកលកម្ពុជានាព្រឹកថ្ងៃទី១៦ ខែឧសភា ឆ្នាំ២០១៧ បានទទួលគ្រូអន្តរជាតិពីប្រទេសស្រីលង្កាលំដាប់ខ្ពស់សម្រាប់ជម្រុញទាំងគ្រូបង្វឹក អាជ្ញាកណ្តាលនិងកីឡាករបាននូវភាពរីកចម្រើនដ៏ល្អនាពេលខាងមុខ។ សហព័ន្ធប្រដាល់សាកលកម្ពុជាបើកសិក្ខាសាលា វគ្គសាមគ្គីអូឡាំពិកស្ដីពី “គ្រូបង្វឹកប្រដាល់” ពេល១០ថ្ងៃគឺពីថ្ងៃទី១៦ដល់២៦ឧសភានៅទីស្នាក់ការគណៈកម្មាធិការជាតិអូឡាំពិកកម្ពុជា ។ វគ្គនេះគឺសិក្សាទាំងទ្រឹស្ដី និងការអនុវត្តន៍ជាក់ស្ដែងតែម្ដងការសិក្សាមានរយៈពេល៧ថ្ងៃនិង៣ថ្ងៃសម្រាប់អ្នកដែលមិនទាន់យល់ច្បាស់ ។ លោកវេជ្ជបណ្ឌិត ឆឹង យ៉ៅយ៉េន ប្រធានសហព័ន្ធប្រដាល់សាកលកម្ពុជា បានបញ្ជាក់ថា នេះជាវគ្គបំប៉នដ៏សំខាន់មួយដែលឧបត្ថម្ភដោយអង្គការសាមគ្គីអូឡាំពិកអន្តរជាតិ ហើយគ្រូឧទ្ទេសគឺលោក Rubasinghe Kankawamge Indrasgna អ្នកជំនាញមកពីសហព័ន្ធកីឡាប្រដាល់អន្តរជាតិមកពីប្រទេសស្រីលង្កា ។ មានសិក្ខាកាមចំនួន២៥រូបដែលជាគ្រូប្រដាល់ អាជ្ញាកណ្ដាល ចៅក្រមមកពីបណ្ដាក្លិប សមាគមនានាចំណុះឲ្យសហព័ន្ធមកចូលរួមក្នុងវគ្គសិក្សាដ៏សំខាន់នេះ ។ ប្រធានសហព័ន្ធប្រដាល់សាកលកម្ពុជា បានប្រាប់ថា លោកRubasinghe Kankawamge Indrasgnaដែលមានសញ្ញប័ត្រកម្រិតផ្កាយ៣ ផ្នែកគ្រូឧទ្ទេស និងផ្កាយ២ផ្នែកគ្រូអាជ្ញាកណ្ដាលនិង ចៅក្រម។វគ្គនេះនឹងមានការប្រឡងនៅពេលបញ្ចប់ការសិក្សាអ្នកដែលប្រឡងជាប់នឹងបានទទួលសញ្ញាប័ត្រកម្រិតផ្កាយ១ ពីសហព័ន្ធប្រដាល់អន្តរជាតិ ។ នេះជាវគ្គដែលសម្រិតសម្រាំងដោយមានការប្រឡងដើម្បីឲ្យគ្រូរបស់កម្ពុជាអាចក្លាយជាគ្រូកម្រិតផ្កាយ២ ដែលទទួលស្គាល់ពីអន្តរជាតិដែលអាចចេញទៅបង្រៀននៅក្រៅប្រទេសបាន ។ ជាមួយគ្នានោះលោក វ៉ាត់ ចំរើន អគ្គលេខាគណៈកម្មការជាតិអូឡាំពិកកម្ពុជា បានអញ្ជើញវត្តមានផងដែរនោះបានថ្លែងថា វគ្គសិក្សានេះជាការហ្វឹកហាត់តាមរបៀបវិទ្យាសាស្ត្រកីឡាព្រោះវិទ្យាសាស្ត្រមានការប្រែប្រួលជារៀងរាល់ឆ្នាំហេតុនេះ គ្រូត្រូវតែស្គាល់ពីបច្ចេកទេសថ្មីៗរបស់ពិភពលោកដើម្បីឲ្យសហព័ន្ធនេះក្លាយជាសហព័ន្ធដែលមានសក្ដានុពល ។ វាក៏ជួយក្នុងការពង្រឹងបច្ចេកទេសគឺជាកត្តាសំខាន់ដែលសហព័ន្ធ គ្រូបង្វឹកត្រូវតែដឹង ។ មិនតែប៉ុណ្ណោះគ្រូបង្វឹកកីឡាមិនមែនជាគ្រូបង្រៀនឡើយ ព្រោះគ្រូកីឡាត្រូវតែមានធនធានបច្ចេកទេសត្រឹមត្រូវ ចេះស្រាវជ្រាវ រកចំណុចថ្មី ចេះសង្កេតពីកីឡារបស់ខ្លួនតើ ខ្សោយពីអ្វីខ្លះ ខ្លាំងអ្វីខ្លះ ហើយទើបបែបនេះបានក្លាយជាគ្រូដែលមានសមត្ថភាពខ្ពស់ ៕ ដោយ បូរិន                                                                        
ថ្ងៃអង្គារ ទី១៦ ឧសភា ២០១៧, ១៥:៣៣ | ០ មតិ | ៩៨ ដង

រាជធានីភ្នំពេញ៖  ថ្លែងនៅក្នុងសន្និសីទកាសែតកាលព្រឹកថ្ងៃទី១៥ ខែឧសភា ឆ្នាំ២០១៧ លោក មាស សារិន ប្រធានសហព័ន្ធកីឡាទាញព្រ័ត្រកម្ពុជាប្រកាសថា ការប្រកួតទាញព្រ័ត្រជ្រើសរើសជើងឯកជាតិឆ្នាំ២០១៧ ត្រូវបានចំណាយថវិកាជារបស់ខ្លួនតែម្តងដើម្បកុំមានខកខានជាយូរបន្តទៀត។ ប្រធានសហព័ន្ធកីឡាទាញព្រ័ត្រកម្ពុជាបានប្រកាសការប្រកួតទាញព្រ័ត្រជ្រើសរើសជើងឯកជាតិដោយចំណាយលុយខ្លួនឯងដើម្បីបង្ហាញពីសក្ដានុពលនៃកីឡាទាញព្រ័ត្ររបស់កម្ពុជា ។ ការប្រកួតនេះមាន៨រាជធានី-ខេត្តចូល រួមគឺខេត្តកំពត សៀមរាប កណ្ដាល ព្រៃវែង ស្ទឹងត្រែង ស្វាយរៀង កំពង់ឆ្នាំង និងរាជធានីភ្នំពេញមាន១៣ក្រុម ។ សមាគម-ក្លឹបដែលចូលរួមសរុបចំនួន២០ចែកជា៤៧ក្រុមក្នុងនោះកីឡាករ២៦០នាក់ និង កីឡាការិនីចំនួន២១០នាក់។  សម្រាប់ វិញ្ញាសាដាក់ឲ្យប្រកួតមានចំនួន ៥គឺវិញ្ញាសាបុរសអាយុក្រោម២៣ឆ្នាំ នារីអាយុក្រោម២៣ឆ្នាំ ។បុរសអាយុលើ ២៣ឆ្នាំ នារីអាយុលើ២៣ឆ្នាំនិងវិញ្ញាសាចម្រុះបុរស-នារីអាយុលើ២៣ឆ្នាំ ។ ការប្រកួតដែលចាប់ផ្ដើមពីថ្ងៃ១៩ ខែឧសភា ឆ្នាំ២០១៧នេះ។ លោកមាស សារិន បានក៏បានបង្ហើបថា សហព័ន្ធកីឡាទាញព្រ័ត្រកម្ពុជាចង់សុំទៅក្រសួងអប់រំយុវជននិង កីឡា អនុញ្ញាតឱ្យចូលរួមក្នុងព្រឹត្តិការណ៍កីឡាជាតិ(National Games) ២០១៨ ឆ្នាំក្រោយនិងចង់សុំរៀបចំការប្រកួតជើងឯកអាស៊ីអាគ្នេយ៍ឆ្នាំ២០១៨ដើម្បីធ្វើការប្រមូលផ្តុំកីឡាករផងដែរ៕ ដោយ បូរិន  
ថ្ងៃច័ន្ទ ទី១៥ ឧសភា ២០១៧, ១៦:០៤ | ០ មតិ | ១១៩ ដង

រាជធានីភ្នំពេញ៖ កាលពីថ្ងៃទី១៤ ខែឧសភា ឆ្នាំ២០១៧ចៅស្រី ព្រឹទ្ធាចារ្យល្បុក្កតោដែលជាតារាសម្តែងឈ្មោះ “ពេជ្រ ខេនឌី” បានសម្ពោជាផ្លូវការនូវភោជនីយដ្ឋាន“គុន ល្បុក្កតោ ក្លឹប” ដើម្បីជួយរកទីផ្សារការងារនិងបង្កើតទីតាំងហ្វឹកហាត់ដ៏ល្អមួយសម្រាប់កីឡាករនិង បណ្តុះបណ្តាលថ្នាលសម្រាប់ SEA GAME 2023ដែលកម្ពុជាធ្វើជាម្ចាស់ផ្ទះ។ អ្នកនាង ពេជ្រ ខេនឌី បានប្រាប់ថា ភោជនីយដ្ឋាន“គុន ល្បុក្កតោ ក្លឹប”  ដើម្បីរកចំណូលជួយទ្រទ្រង់និងរកទីផ្សារការងារឱ្យកីឡាករល្បុក្កតោ មួយនេះនាងបានចំណយជិត៣០ម៉ឺនដុល្លារអាមេរិកដើម្បីបានទីតាំងមួយកន្លែងល្អប្រណិតក្នុងការទទួលភ្ញៀវទេសចរណ៍អន្តរជាតិ។ ទីតាំងនេះក៏ជាកន្លែងសម្រាប់កីឡាករថ្នាលនិង កីឡាករជម្រើសជាតិធ្វើការហ្វឹកហាត់និងរៀនសូត្រដកស្រង់បទពិសោធន៍ដើម្បីអភិវឌ្ឍន៍ខ្លួនទៅមុខបន្តទៀត។ តារាសម្តែងដែលចៅស្រី ព្រឹទ្ធាចារ្យល្បុក្កតោលោកគ្រូ សាន គីមស៊ាន បានប្រាប់ដល់ក្រុមអ្នកសារព័ត៌មានក្នុងពិធីសម្ពោធភោជនីយដ្ឋានរបស់នាងថា ការបង្កើតភោជនីយដ្ឋាននេះធ្វើឡើងដើម្បីជួយដល់សហព័ន្ធកីឡាល្បុក្កតោ កម្ពុជានិង កីឡាករនានា ទទួលបានការងារធ្វើនិងភាពរីកចម្រើនទៅថ្ងៃខាងមុខនេះ។ ភោជនីយដ្ឋាន“គុន ល្បុក្កតោ ក្លឹប” នេះនឹងមានសម្តែងការនិង ការប្រកួតពិតៗរវាងកីឡាករល្អៗឬកីឡាករជម្រើសជាតិមកវ៉ៃគ្នាជូនភ្ញៀវទេសចរណ៍ជាតិនិងអន្តរជាតិក្នុងក្រុងសៀមរាបនេះទស្សនាជាមួយការមកទទួលអាហារនៅទីនេះ។ សូមបញ្ជាក់ថា ក្នុងពិធីសម្ពោធភោជនីយដ្ឋាន“គុន ល្បុក្កតោ ក្លឹប”   ក្នុងក្រុងសៀមរាបរបស់តារាសម្តែង ពេជ្រ ខេនឌី កាលពីថ្ងៃទី១៤ ខែឧសភា  ឆ្នាំ២០១៧ មានការអញ្ជើញពីមន្ត្រីរាជការនិងថ្នាក់ដឹកនាំខេត្តសៀមរាបព្រមទាំងសិស្សនិស្សិតនិងសមាជិកគ្រួសារតារាកម្ពុជាប្រមាណ១០នាក់អញ្ជើញផ្ទាល់ក្នុងអបអរបើកភោជនីយដ្ឋាននិង បង្កើតក្លឹបល្បុក្កតោក្នុងខេត្តសៀមរាប៕ ដោយ បូរិន                                                                     
ថ្ងៃច័ន្ទ ទី១៥ ឧសភា ២០១៧, ១៤:២៦ | ០ មតិ | ១២២ ដង

រាជធានីភ្នំពេញ៖  ក្រុមមហាផ្ទៃទទូលមេដាយជើងឯកសូហ្វតេន្នីសថ្នាក់ជាតិ ច្រើនជាងគេសម្រាប់ព្រឹតិ្តការណ៍ឆ្នាំ២០១៧នេះ ជាពិសេសគឺមេដាយមាសដែលប្រមូលបានស្ទើរគ្រប់វិញ្ញាសាពីការប្រកួតដែលទើបបញ្ចប់កាលពីព្រឹកថ្ងៃទី១១ ខែឧសភា ឆ្នាំ២០១៧ ដោយមានការចូលរួមពីលោក ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា ។ ការប្រកួតថ្នាក់ជាតិនេះតាមគម្រោងបានចាប់ផ្ដើមប្រកួតតាំងពីថ្ងៃទី០១ ខែឧសភាមកម្លេះប៉ុន្ដែដោយសារមានបញ្ហារឿងទីលានជាមួយក្រុមកីឡាវាយកូនបាល់ព្រឹត្តិការណ៍នេះក៏ពន្យាពេលប្រកួតរហូតដល់ថ្ងៃទី០៧ នឹងបញ្ចប់នៅព្រឹកថ្ងៃទី១១ ខែឧសភានេះ ដោយមានការចូលរួមពីក្លឹបទូទាំងប្រទេសចំនួន៨ក្លឹបស្មើនឹងកីឡាករ-កីឡាការិនី ៩៨នាក់ ។  ជាលទ្ធផលក្រោយបញ្ចប់ការប្រកួតរយៈពេល៥ថ្ងៃ ក្រុមកីឡាសូហ្វតេន្នីសក្រសួងមហាផ្ទៃដណ្ដើមបានមេដាយច្រើនជាងគេសរុប១២គ្រឿង ក្នុងនោះមានមេដាយមាស៦ ប្រាក់៤ និងសំរឹទ្ធ២ ។ រីឯក្រុមកីឡាសូហ្វតេន្នីសអគ្គស្នងការដ្ឋាននគរបាលជាតិឈរលេខរៀងទី២ ជាមួយនឹងការដណ្ដើមបានមេដាយមាស៣ ប្រាក់៥ និងសំរឹទ្ធ៣ ។ ចំណែកក្លឹបក្រសួងការពារជាតិដណ្ដើមបានត្រឹមមេដាយសំរឹទ្ធ២គ្រឿងឈរចំណាត់ថ្នាក់លេខ៣ ។ លោក ជា ប៊ុនហេង អគ្គលេខាធិការសហព័ន្ធកីឡាសូហ្វតេន្នីសកម្ពុជា បានថ្លែងក្នុងពិធីបិទការប្រកួតនោះថា ការរៀបចំជើងឯកថ្នាក់ជាតិឆ្នាំនេះ ពិតជាទទួលបានផ្លែផ្កាល្អប្រសើរ ដោយសារមានកំណើនក្លឹបចូលរួម ពិសេសគឺកីឡាករ-កីឡាការិនីចូលរួម សុទ្ធសឹងជាអ្នកមានសមត្ថភាព ដែលធ្វើឲ្យសហព័ន្ធមានមោទនៈភាព និងសប្បាយរីករាយ ស្របពេលសហព័ន្ធកំពុងជំរុញកីឡាក្មេងខ្ចីមួយនេះឲ្យកាន់តែរីកចម្រើន ដើម្បីចូលរួមប្រកួតលើឆាកអន្ដរជាតិ និងការត្រៀមខ្លួនធ្វើម្ចាស់ផ្ទះកីឡាស៊ីហ្គេម ឆ្នាំ២០២៣ផងដែរ ៕ដោយ បូរិន                                                                               
ថ្ងៃព្រហស្បតិ៍ ទី១១ ឧសភា ២០១៧, ១៤:៥៧ | ០ មតិ | ១០៧ ដង

រាជធានីភ្នំពេញ៖  គណៈកម្មកាជាតិអូឡាំពិកកម្ពុជា (NOCC) នារសៀលថ្ងៃទី០៩ ខែឧសភា ឆ្នាំ២០១៧ បានអញ្ជើញគ្រូជំនាញពីជប៉ុនពីរផ្នែកមកបង្រៀនដល់សិក្ខាមចំនួន៧០នាក់មកបណ្តាសហព័ន្ធកីឡាទាំងអស់ក្នុងការពង្រឹងនិងពង្រីកលើការការអភិវឌ្ឍន៍អត្តពលិកថ្នាលអត្តពលិកនិងរបៀបដឹកនាំជាក្រុម ដើម្បីកុំបញ្ហានិងជោគជ័យសម្រាប់ដំណើរឆ្ពោះទៅកម្ពុជាធ្វើជាម្ចាស់ផ្ទះ SEA  GAMEឆ្នាំ២០២៣។ លោកបណ្ឌិត ថោង ខុន ប្រធានគណៈកម្មការជាតិអូឡាំពិកកម្ពុជា ក្នុងពិធីបើកសិក្ខាសាលាស្តីពី កម្មវិធីអភិវឌ្ឍអត្តពលិកថ្នាល និង របៀបធ្វើការជាក្រុម រយៈពេលបីថ្ងៃបានឱ្យដឹងថា NOCC បានអញ្ជើញលោកគ្រូពីររូបមកពីប្រទេសជប៉ុនពីរផ្នែក គឺ ឯកទេសខាងកីឡា (Sport Science) និង ឯកទេសខាងដឹកនាំ (Sport Leadership)។ លោកគ្រូទាំងពីររូបនេះបានលះបង់ដោយស័្មគ្រចិត្តទាំងស្មារតី និង កម្លាំង មកកម្ពុជា ដើម្បីធ្វើបណ្តុះបណ្តាលដល់បណ្តាសហព័ន្ធកីឡាកម្ពុជាទាំងអស់។ លោកបណ្ឌិតរូបនេះបានបញ្ជាក់ថា ឱកាសនេះធ្វើឡើងដើម្បីជួយជម្រុញមន្ត្រីបច្ចេកទេសនៃសហព័ន្ធកីឡា និង មន្ត្រីគ្រប់គ្រងកីឡា ឱ្យសមស្រប ទៅ SEA GAME ឆ្នាំ២០២៣ ដែលកម្ពុជាធ្វើជាម្ចាស់ផ្ទះក្នុងពង្រឹងវិស័យកីឡា។ NOCC ក៏សង្ឃឹមថា សិក្ខាសាលានេះផ្តល់ជោគជ័យថ្មី បច្ចេកទេសថ្មី ការដឹកនាំថ្មី សម្រាប់សហព័ន្ធកីឡាជាតិទាំងអស់ក្នុងអភិវឌ្ឍន៍កីឡារបស់ខ្លួន ដោយមានការទទួលខុសត្រូវខ្ពស់ និង ឱ្យមានប្រសិទ្ធភាពឈានទៅរកកីឡាជំនាញនីមួយនៃការប្រកួតកីឡា SEA GAME ឆ្នាំ២០២៣ ដែលចំណុចសំខាន់ណាស់។ លោក វ៉ាត់ ចំរើន អគ្គលេខា NOCCបានថ្លែងទៀតថា ការងារហិរញ្ញវត្ថុសហព័ន្ធកីឡាជាតួនាទីភារកិច្ចរបស់អគ្គហេរញ្ញិក ដែលមានចែងក្នុងលក្ខន្តិកៈ។ អគ្គលេខាធិការដ្ឋាន និងគណៈកម្មការជំនាញទាំងអស់ក្រៅពីអនុវត្តតាមតួនាទី ភារកិច្ចរបស់ខ្លួនត្រូវរក្សាទំនាក់ទំនងសហការផ្តល់ដំណឹង ផ្តល់ភារកិច្ចពាក់ព័ន្ធឱ្យគ្នាទៅវិញទៅមក។ ត្រូវជៀសវាងការរំលោភសិទ្ធិ តួនាទី ភារកិច្ចរបស់អគ្គលេខាធិការដ្ឋាន និងគណៈកម្មការជំនាញនីមួយៗ  ប៉ុន្តែត្រូវទទួលខុសត្រូវខ្ពស់ចំពោះការងាររបស់ខ្លួន។ រាល់វិវាទ និងទំនាស់លើការងារដឹកនាំ គ្រប់គ្រង ត្រូវដោះស្រាយតាមរយៈសេចក្តីសម្រេចរបស់កិច្ចប្រជុំពេញអង្គរបស់គណៈកម្មាធិការប្រតិបត្តិនៃសហព័ន្ធកីឡា៕ ដោយ បូរិន                                               
ថ្ងៃពុធ ទី១០ ឧសភា ២០១៧, ០៧:៥២ | ០ មតិ | ១៤៧ ដង

រាជធានីភ្នំពេញ៖  ជារឿងអបអរសម្រាប់កម្ពុជាដែលកីឡាករប្រដាល់ មឿន សុភា និងសេន ប៊ុនថេន ដល់កម្ពុជាហើយកាលពីល្ងាចថ្ងៃទី០៩ ខែឧសភា ឆ្នាំ២០១៧ ដោយបាននាំយកខ្សែរក្រវាត់២គ្រឿងដែលបានប្រកួតកាលក្នុងប្រទេសបារាំងកន្លងមកនេះខណៈសោកស្តាយផងដែរ ឡៅ ចន្ទា្រ ដែលបានទទួលបរាជ័យមិនអាចនាំយកខ្សែក្រវ៉ាត់ជូនជាតិនិងអ្នកគាំទ្រ។ កីឡាករបីរូបនេះបានចាប់ផ្តើមប្រកួតតាំងពីថ្ងៃទី១៥ ខែមេសា ឆ្នាំ២០១៧ ក្នុងការប្រកួតដណ្តើមខ្សែក្រវាត់មិត្តភាពអន្តរជាតិ នៅលើទឹកដីនៃប្រទេសស្ថិតក្នុងទ្វីបអឺរ៉ុប ខណៈកីឡាករ មឿន សុភា និង សេន ប៊ុន បានផ្តួលដៃគូប្រកួតកីឡាករម្ចាស់ផ្ទះបារាំង ដើម្បីឈ្នះខ្សែក្រវាត់ម្នាក់១ដូចគ្នា។ បន្ទាប់ពីការប្រកួតរបស់ពួកគេបានបញ្ចប់រួចនោះ កីឡាករទាំងបីនាក់បានស្នាក់នៅប្រទេសបារាំង ដើម្បីធ្វើការហ្វឹកហាត់ បន្ថែមទៀតហើយពួកគេបានចែករំលឺកបទពិសោធន៍របស់ខ្លួន ជាមួយ កីឡាកក្នុងក្លឹបប្រដាល់មួយចំនួននៅប្រទេសទីនោះដោយសារតែកីឡាករ២រូប ក្នុងចំណោម ៣រូបមានដូចជា មឿន សុភា និង ឡៅ ចន្រ្ទា ធ្វើការហ្វឹកហាត់ដើម្បីត្រៀមចេញប្រកួតនៅ SEA GAME 2019 នៅទីក្រុងឡូឡាំពួរ នៃប្រទេស ម៉ាឡេស៊ីខាងមុខនេះផងដែរ។ ជាការសោកស្តាយសម្រាប់កីឡាករ ឡៅ ចន្ទ្រា ដែលបានចាញ់គូប្រកួត ដោយសារវាយខុសបច្ចេកទេស ប៉ុន្តែទោះបីជាយ៉ាងក្តីការអញ្ជើញមកដល់មាតុភូមិវិញ ក៏នាំខ្សែរក្រវាត់ពីគ្រឿង ដោយលារទទួលស្វាគមន៍ដោយផ្ទាល់ពី សំណាក់លោក តែម ម៉ឹន ប្រធានហសព័ន្ធកីឡាបាល់ទាត់កម្ពុជា និងមន្រ្តីកីឡាប្រដាល់ជាច្រើនរូបទៀតផងដែរ៕ដោយ បូរិន                        
ថ្ងៃពុធ ទី១០ ឧសភា ២០១៧, ០៧:៤៧ | ០ មតិ | ១២៩ ដង

ឯក សុវណ្ណរត្ន័ ចាត់ទុកប្រុសក្មេងជាដៃគូខ្លួន
ថ្ងៃព្រហស្បតិ៍ ទី០៨ មិថុនា ២០១៧, ០៩:២៣
កម្លាំងនគរបាលអគ្គនាយកដ្ឋានអន្តោប្រវេសន៍ ចុះត្រួតពិនិត្យជនជាតិវៀតណាម២៩នាក់ស្រី៥នាក់ សង្ស័យរស់នៅកម្ពុជាខុសច្បាប់ចាប់មិនចេះអស់
ថ្ងៃពុធ ទី០៧ មិថុនា ២០១៧, ២០:២៣
សមត្ថកិច្ចបញ្ជូនជនបរទេសម្នាក់ បង្ហោះកាមេរ៉ាថតផ្តិតយករូបភាព ពីលើអាកាសតុលាការក្រុងភ្នំពេញ
ថ្ងៃពុធ ទី០៧ មិថុនា ២០១៧, ២០:២០
ខេត្តបន្ទាយមានជ័យជំនន់ទឹកភ្លៀងប៉ះពាល់ខូចខាតផ្លូវ៣ខ្សែរ ប្រវែង២,៥០០ម៉ែត្រស្រុកព្រះនេត្រព្រះ
ថ្ងៃពុធ ទី០៧ មិថុនា ២០១៧, ២០:១៥
តុលាការក្រុងភ្នំពេញបើកសវនាការ រឿងក្តីផ្តើមគំនិតក្នុងអំពើឃាតកម្ម
ថ្ងៃពុធ ទី០៧ មិថុនា ២០១៧, ២០:១១
គ ជ ប ពន្យាពេលប្រកាសលទ្ធផលបណ្តោះអាសន្ន ខណៈពេលបក្សធំៗទាំងពីរ ទាមទាររាប់សន្លឹកឆ្នោតឡើងវិញ
ថ្ងៃពុធ ទី០៧ មិថុនា ២០១៧, ២០:០៨
តុលាការលើកពេលប្រកាសសាលក្រម រឿងឈ្មួញគ្រឿងញៀនជនជាតិម៉ាឡេស៊ីម្នាក់ សារជាថ្មីម្តងទៀត
ថ្ងៃពុធ ទី០៧ មិថុនា ២០១៧, ២០:០៣
អ្នកគាំទ្រ ចាន់ វឌ្ឍនាកា ម្នាក់ខំមកជួបដើម្បីថត ប៉ុន្តែឃើញគាត់ហើយគឺអាណិតចង់ខ្លោចចិត្ត
ថ្ងៃពុធ ទី០៧ មិថុនា ២០១៧, ២០:០០
កម្ពុជា vs ឥណ្ឌូនេស៊ី ថ្ងៃស្អែកគ្រូបង្វឹកមួយៗចង់កីឡាករលេងឱ្យល្អប្រសើរ ជាងគិតលទ្ធផលឈ្នះចាញ់
ថ្ងៃពុធ ទី០៧ មិថុនា ២០១៧, ១៩:៥៦
នាវាផ្ទុកយន្តហោះអាមេរិក បើកការវាយប្រហារក្រុមIS ពីដែនសមុទ្រមេឌីទែរ៉ាណេ
ថ្ងៃពុធ ទី០៧ មិថុនា ២០១៧, ១៥:២៩