រាជធានីភ្នំពេញ៖ កាលពីព្រឹកថ្ងៃទី៤ខែមិថុនាឆ្នាំ២០១៧នេះគណៈកម្មាធិការជាតិរៀបចំការបោះឆ្នោតបានចេញលិខិតផ្លូវការព្រមានដល់គណបក្សសម្ព័ន្ធដើម្បីលទ្ធិប្រជាធិបតេយ្យ ពាក់ព័ន្ធនឹងការឃោសនាបោះឆ្នោតតាមប្រព័ន្ធអនឡាញដោយបានធ្វើផ្សព្វផ្សាយវាយប្រហារលើគណបក្សផ្សេងទៀត។

គជបបានលើកឡើងថាបើគណបក្សសម្ព័ន្ធដើម្បីប្រជាធិបតេយ្យនៅតែបន្តផ្សព្វផ្សាយវាយប្រហារគណបក្សដទៃតាមអនឡាញនោះគជបនឹងចាត់វិធានការតាមផ្លូវច្បាប់។តាមច្បាប់បោះឆ្នោតជ្រើសរើសក្រុមប្រឹក្សាឃុំសង្កាត់ត្រូព្រមានជាលាយលក្ខណ៍អក្សរដោយគជបដល់ជនណាប្រព្រឹត្តល្មសនឹងមាត្រា៦៤ក្នុងការហែរក្បួនឃោសនាបោះឆ្នោត។

គជបបានលើកឡើងថាបើនៅតែមិនស្តាប់ការព្រមានខាងលើនឹងត្រូវពិន័យជាប្រាក់ពី៥ដល់១០លានរៀលឬនឹងត្រូវលុបចេញពីបញ្ជីបោះឆ្នោតសម្រាប់សរយៈពេល៥ឆ្នាំឬលុបបេក្ខភាពរបស់សាម៉ីខ្លួនប្រសិនជនប្រព្រឹត្តល្មើសជាបេក្ខជនឈរឈ្មោះបោះឆ្នោត។

• គជប
• គណបក្ស
• ប្រជាធិបតេយ្យ