រាជធានីភ្នំពេញ៖  លោកស៊ិក ប៊ុនហុកប្រធានគណៈកម្មារធិការជាតិរៀបចំការបោះឆ្នោតនៅម៉ោង៧យប់ ថ្ងៃទី៤ខែមិថុនាឆ្នាំ២០១៧ក្នុងសន្និសីតកាសែតថាលទ្ធផលបឋមតាមទូរទស្សន៍ជាតិកម្ពុជា លទ្ធផលបណ្តោះអាសន្ននឹងប្រកាសនៅតាមឃុំសង្កាត់រៀបចំការបោះឆ្នោតថ្ងៃទី៧ខែមិថុនានិងលទ្ធផលផ្លូវការនៅថ្ងៃទី២៥ខែមិថុនា។

គជបនៅរសៀលថ្ងៃទី៤ខែមិថុនាឆ្នាំ២០១៧ នេះបានប្រកាសពីចំនួនបណ្តោះអាសន្ននៃ អ្នកបានទៅបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤មានចំនួន៦,៧៤៣,៣២៩នាក់ស្មើនឹង៨៥.៧៤%នៃចំនួនអ្នកបានចុះឈ្មោះ៧,៨៦៥.០៣៣នាក់។នៅតាមការិយាល័យចំនួន២២,១៤៨ការិយាល័យទាំង២៥រាជធានីខេត្ត។

លោកស៊ិក ប៊ុនហុកប្រធានគណៈកម្មាធិការជាតិរៀបចំការបោះឆ្នោតបានថ្លែងនៅសន្និសីទការសែតថាការចុះឈ្មោះប្រព្រឹត្តទៅដោយជោគជ័យមានពលរដ្ឋប្រមាណ៧,៨៦៥,០៣៣នាក់ស្មើនឹង៨១.៣៨%អ្នកដែលមានអាយុចាប់ពី១៨ឆ្នាំឡើងនៃមនុស្សជាង៩,៦លានមានសិទ្ធិបោះឆ្នោត។

លោកបានលើកឡើងថាចុះឈ្មោះ ចុះបញ្ជីឈ្មោះបេក្ខជននិងរៀបចំការបោះឆ្នោតនេះបានធ្វើឡើងដោយមានការអ្នកជំនាញជប៉ុននិងសហភាពអឺរ៉ុប។មានអ្នកគណបក្សចំនួន១២បានចូលរួមប្រកួតក្នុងចំណោម៤៨បក្សបានចុះបញ្ជីនៅក្រសួងមហាផ្ទៃ។ការចុះបញ្ជីគណបក្សនយោបាយបានរលូនមិនមានការគម្រាមកំហែងណាមួយទេ។

លោកប្រធានគជបបានលើកឡើងថាឃោសនាមានរយៈពេល១៤ថ្ងៃនិងមានការយោគយល់គ្នាច្រើនរវាងគណបក្សនយោបាយនិងគោរពច្បាប់បានច្រើន។ចំពោះសន្តិសុខតាមមូលដ្ឋានបានរៀនចំការពារបានល្អនៅពេលឃោសនាដោយមានការចូលរួមពីគជបផង។ប៉ុន្តែការឃោសនាមិនមានការល្អទាំងអស់នោះទេប្រទេសនានាដែរ។តែមានគណបក្សសម្ព័ន្ធដើម្បីប្រជាធិបតេយ្យបានល្មើសនឹងច្បាប់បានឃោសនាតាមអនឡាញនៅថ្ងៃទី៤មិថុនានេះហើយត្រូវបានព្រមានហើយជាលាយលក្ខណ៍អក្សរផង។

លោកបានលើកឡើងថាមានការិយាល័យមួយចំនួនមិនអាចដឹកនាំសម្ភារៈទៅបានមានខេត្តឧត្តរមានជ័យ ក្រចេះ និងមណ្ឌលគីរី។ខេត្តទាំងនេះត្រូវបានដឹកនាំសម្ភារៈតាមយន្តហោះនិងការិយាល័យខេត្តបាត់ដំបងនៅលើកទឹកនិងមានការិយាល័យខ្លះលិចទឹកត្រូវបានប្តូរទីតាំងទៅកាន់កន្លែងថ្មីប្រមាណ៥០ម៉ែត្រពីកន្លែងចាស់។

លោកបានលើកឡើងថានៅពេលបិទការិយាល័យបោះឆ្នោតនិមួយៗមានការរាប់សន្លឹកឆ្នោតភ្លាមៗតែម្តង។មានអ្នកទៅបោះឆ្នោតមានចំនួនជាង៦.៧លាននាក់ស្មើនឹងជាង៨៥%នៃអ្នកបានចុះឈ្មោះបោះឆ្នោត។គ្មានខេត្តណាទៅបោះឆ្នោតតិចជាង៨០%ទេនិងមានខេត្តខ្លះមានទៅដល់៩)%ភាគរយផង។ទោះបីយ៉ាងណាលទ្ធផលបឋមនឹងផ្សាយទូរទស្សន៍ជាតិកម្ពុជានៅល្ងាចថ្ងៃទី៤ខែមិថុនានេះវេលាម៉ោង៧យប់។

លោកប្រធានបានលើកឡើងថាការបោះឆ្នោតនៅអាណត្តិនេះគជបរៀបចំកម្មវិធីពិសេសមួយពីលទ្ធផលបោះឆ្នោតបឋមគោលបំណងគឺដើម្បីផ្តល់លទ្ធផលបោះឆ្នោតបឋមយ៉ាងត្រឹមត្រូវទូលំទូលាយនិងតម្លាភាពដែលភាគីទាំងអស់ទទួលយកបាន។ចំពោះការផ្សាយលទ្ធផលបឋមនេះគជបសហការជាមួយទូរទស្សន៍ជាតិកម្ពុជាបន្ទាន់ពីគជបទទួលបានទម្រង់១១០២និងទម្រង់១១០៥ពីគណៈកម្មការឃុំសង្កាត់រៀបចំការបោះឆ្នោត។មានក្រុមទទួលរូបភាព២៥នាក់ទទួលទម្រង់១១០២និង១១០៥។មានមន្រ្តី២៥នាក់បញ្ចេញទិន្នន័យនិង១៨នាក់ត្រួតពិនិត្យទិន្នន័យហើយបញ្ជូនមកគជបនឹងបង្ហោះតាមគេហទំព័រគជប។

លោកប្រធានគជបបានប្រកាសថាលទ្ធផលនេះមានបីដំណាក់កាលគឺលទ្ធផលបឋមប្រកាសតាមទូរទស្សន៍ជាតិនៅល្ងាចថ្ងៃទី៤ខែមិថុនា លទ្ធផលបណ្តោះអាសន្នប្រកាសនៅថ្ងៃទី៧ខែមិថុនានិងលទ្ធផលផ្លូវការប្រកាសនៅថ្ងៃទី២៥ខែមិថុនាឆ្នាំ២០១៧។ការប្រកាសលទ្ធផលបណ្តោះអាសន្នបិទនៅឃុំសង្កាត់រៀបចំការបោះឆ្នោត។ការប្រកាសនេះតាមការកំណត់របស់គជប។                       

• គជប
• បោះឆ្នោត