រាជធានីភ្នំពេញ៖ ស្របពេលដែលកិច្ចការសិល្បៈកំពុងតែសន្ទុះមានខ្លាំងឡើងកញ្ញាដួង ម៉ានិច្ចហាក់មានសភាពឡើងទីផ្សារនៅក្រៅស្រុកជាបន្តបន្ទាប់ដោយសារតែនាងត្រូវបានគេអញ្ជើញទៅសម្តែងនៅក្រៅប្រទេសពីរបីប្រទេសបន្តគ្នាគួរឲ្យចាប់អារម្មណ៍ផងដែរ។
ស្រីស្អាតដួង ម៉ានិច្ចដែលនិយមការតុបតែងកាយបែបឆើតឆាយដែលមមាញឹកនិងការសម្តែងតាមបណ្តាខ្សែភាពយន្តនានាទាំងដុំនិងភាគនាងកំពុងតែត្រូវចាកចេញសម្តែងនៅបណ្តាប្រទេសមួយចំនួនដែលនេះត្រូវបានតារាយេរៗម្នាក់នេះសប្បាយចិត្តក្នុងពេលជំហ៊ានសិល្បៈនាងកាន់តែត្រដែតឡើង។អ៊ីចឹងហើយទើបនាងខិតខំប្រមូលកម្លាំងឲ្យបានច្រើនក្រែងហត់នឿយទទួលការងារសិល្បៈមិនបាន។
ដួង ម៉ានិច្ចនិយាយថានៅអំឡុងខែ៦ខាងមុខនេះនាងនឹងចាកចេញទៅសម្តែងនៅក្រៅប្រទេសពីរទៅបីប្រទេសរួមមានសឹង្ហបុរី កូរ៉េនិងឥណ្ឌាដែលមានក្រុមហ៊ុនធំមួយអញ្ជើញនាងទៅប្រជុំទាក់ទិននិងផលិតផលរបស់គាត់។ម្ល៉ោះហើយគាត់ត្រូវការតួសាកសមម្នាក់ឲ្យចេញពីកម្ពុជាដែលជ្រើសរើសបានចេញទៅប្រជុំ។
នាងចាកចេញទៅបីប្រទេសខាងមុខនេះមានរយៈពេលមួយអាទិត្យប៉ុណ្ណោះនិងត្រូវវិលមកវិញ។បន្ទាប់នៅក្នុងខែ៧ខាងមុខទៀតនាងត្រូវចេញទៅសម្តែងនៅប្រទេសអូស្ត្រាលីដល់ទៅ៥អាទិត្យដែលអាចថាជាឱកាសថ្មីមួយទៀតសម្រាប់ក្រៅស្រុក។លើសពីនេះក៍មានគេទាក់ទងក្រោយចប់បេសកម្មនៅអូស្ត្រាលីគឺទៅជប៉ុនតែអត់មានពេលសោះ។នាងបន្តថាការណ៍ពិតបែបណាអត់ដឹងសោះថាទីផ្សារសិល្បៈស្ទុះបែបនេះហើយគ្រាន់តែមានអារម្មណ៍ថាតាំងពីសម្តែងរឿង«កូនពស់កេងកង»ចាក់នៅទូរទស្សន៍ភីអិនអិនមកសន្ទុះប្លែករហូតតែម្តង។ជាក់ស្តែងតាំងពីនាងថតរឿង«ពស់កេងកង»នេះមកហាក់មានការប្រែប្រួលតាំងពីការចរចារតម្លៃថតជាមួយផលិតករគឺទទួលយកនាងថតលឿនតែម្តងខុសពីមុនខ្លះគ្រាន់តែតថ្លៃហើយមិនហៅមិនខលរកយើងទៀតនេះភាពប្លែកគ្នា។