|
 |
MENU
|
|
|
|
MENU
|
រាជធានីភ្នំពេញ៖ បាត់មុខពីសិល្បៈមួយរយៈកាលខៀវសុខារ៉ាវីលេចឮថាកំពុងបើកមុខជំនួញផ្ទាល់ខ្លួនរហូតផ្អាកការសម្តែងដើម្បីជំនួញ។ តារាសម្តែងល្បីឈ្មោះសម្រស់ផូរផង់ធ្លាប់មានការពេញនិយមអ្នកនាងខៀវ សុខារ៉ាវីបានបាត់មុខមួយរយៈសារជាថ្មីម្តងទៀតក្រោយចូលសិល្បៈបានមួយប្រាវកាលពីប៉ុន្មានខែមុននេះ។ជាការរាថយសិល្បៈម្តងទៀតនេះតារាសម្តែងតូចស្រស់ខៀវ សុខារ៉ាវីបានបើកមុខជំនួញយ៉ាងច្រើនដែលអាចធ្វើឲ្យតារាស្រីល្បីឈ្មោះរូបនេះដកថយសិល្បៈកាន់តែយូរមិនដឹងថាវិលវិញដល់ពេលណា។ការបញ្ជាក់ពីមូលហេតុនេះនៅពេលដែលតារាភាពយន្តសាច់សសម្រស់បានរូបនេះឆ្លៀតពេលមកចូលរួមពីពិធីមង្គលការលីច័ន្ទសីហាដោយនាងទទួលស្គាល់ការរាថយសិល្បៈជាថ្មីមតងទៀតហើយអះអាងថាសិល្បៈនាងពិតជាស្រឡាញ់ពេញចិត្តមិនអាចផ្តាច់ចេញពីអារម្មណ៍បាននោះឡើយ។ខៀវ សុខារ៉ាវីដែលស្អាតជាងមុនមុខពេញបញ្ជាក់ថាមានសេចក្តីសុខបានរៀបរាប់ឲ្យដឹងថាការចូលសិល្បៈរបស់នាងកាលពីពេលកន្លងមកគឺការងារទទួលបានធម្មតាៗមិនសូវជារវល់ឡើយពោលទំនេរច្រើនទើបនាងសម្រេចចិត្តយកពេលវេលាមករកស៊ីឲ្យបានហ្មត់ចត់បង្កើនជីវភាពរស់នៅឲ្យល្អជាងមុនជាបន្តទៀត។
ទោះបីជាយ៉ាងណាចិត្តនៅតែស្រឡាញ់សិល្បៈមិនអាចចោលបានទេតែបើការងារខាងក្រៅមានសភាពមមាញឹកនាងអត់ច្បាស់ថាចូលសិល្បៈពេលណានោះឡើយ។តារាស្រីដែលមានកូនមួយហើយមិនបង្ហើបមុខមាត់ស្វាមីឲ្យបានដឹងរូបនេះប្រាប់ទៀតថាក្រោយពេលបញ្ចូលអារម្មណ៍ជាមួយមុខរបររកស៊ីនាងបានបង្កើតមុខជំនួញថ្មីជិតពីរឆ្នាំហើយគឺរបរទិញលក់អចនទ្រព្យក្នុងក្រុមហ៊ុនផ្ទាល់ខ្លួនមួយដែលមានការលក់ដូរផ្ទះដីធ្លីមួយចំនួនទទួលបានភាពប្រសើរគួរសមហើយមមាញឹកត្រូវយកចិត្តទុកដាក់មើលមុខរបរថ្មីមួយនេះឲ្យល្អ។
នាងបន្តថាជំនាញទិញនិងលក់ដីធ្លីនេះនាងចេះដឹងបានដោយសារធ្លាប់រៀនជំនាញនេះយូរមកហើយទើបមានការយល់ឃើញនិងមើលមុខរបរទាំងនេះបានក្រោមការគ្រប់គ្រងក្រុមការងារផងដែរ។បន្ថែមពីនេះនាងក៍ឆ្លៀតបង្កើតកន្លែងវេរលុយមួយកន្លែងទៀតថ្មីៗនេះដែលនៅពុំទាន់ដំណើរការរលូតនោះទេកំពុងតែព្យាយាមពង្រឹងមុខរបរឲ្យរឹងមាំបន្ត។ប្រការនាងទទួលបានការងារថ្មីៗទាំងអស់នេះក្រោយពីបិទហាងម៉ាតៅម្តុំមាត់ទន្លេមកនាងយល់ថាការងារក្រៅសិល្បៈនេះទៀមទារឲ្យមានការមើលហ្មត់ចត់មិនអាចបណ្តោយបានទើបរឿងសិល្បៈទុកមួយឡែកសិនដោយអត់ដឹងថាសម្តែងបានវិញពេលណាដែរ។
យ៉ាងណានាងសប្បាយចិត្តដែលសិល្បៈមានអ្នកជំនាន់ក្រោយរីកចម្រើនគ្រប់គ្នាទាំងការផលិតភាពយន្តខារ៉ាអូខេនិងតួសម្តែងដោយរំពឹងថាមិត្តសិល្បករទាំងអស់នឹងរួមគ្នាជួយលើកស្ទួយវិស័យសិល្បៈឲ្យកាន់តែរីកចម្រើនផុសផុលតទៅមុខទៀតផងដែរ។
