រាជធានីភ្នំពេញ៖ យ៉ាងណាលទ្ឋផលចេញមកនេះមហាជនថានៅស្ទើរពេកគួរតែដាក់ពិន័យ២ទៅ៣ឆ្នាំដើម្បីកុំចេះតែហ៊ានក្នុងការបង្ហាញប៉ាន់របស់តារាសិចស៊ីដេនីក្វាន់។
តារាសិចស៊ី ដេននី ខ្វាន់ រងការពិន័យរយៈពេល១ឆ្នាំ ពីក្រសួងវប្បធម៌ និងវិចិត្រសិល្បៈ មិនឲ្យមានសកម្មភាព អ្វីទាំងអស់ ក្នុងវិស័យសិល្បៈ រួមមានការសម្តែង ថតខ្សែភាពយន្ត ច្រៀង នៅតាមកញ្ចក់ទូរទស្សន៍ជាដើម។
នេះបើតាមការលើកឡើងរបស់ លោក ចំរើន វ៉ាន់ថា ទីប្រឹក្សាក្រសួងវប្បធម៌ និងវិចិត្រសិល្បៈ និងជាអនុប្រធានលេខាធិការដ្ឋាន ជំនួយការក្រុមប្រឹក្សាពិន័យ និងលើកសរសើរប្រកាសស្តីពីក្របសីលធម៌នៃអ្នកសិល្បៈ បានលើកឡើងថា ក្រោយពីកិច្ចប្រជុំគណៈកម្មការវិន័យបានបញ្ចប់ នៅថ្ងៃទី២៥ ខែមេសា ឆ្នាំ២០១៧នេះ។
កិច្ចប្រជុំគណៈកម្មការវិន័យនេះ បានធ្វើឡើងក្រោមវត្តមាន លោក សុះ ម៉ាចប្រធានសមាគមសិល្បករខ្មែរ លោក ហេង ឡុង តំណាងសមាគមមិត្តសិល្បៈស្ម័គ្រចិត្តជួយសង្គម និងមន្រ្តីជាក់ព័ន្ធជាច្រើនរូបទៀត។
គេមិនដឹងនិយាយបែបណានោះទេចំពោះទង្វើកញ្ញាដេនីក្វាន់ដែលនៅតែបង្ហាញពីភាពសិចសុីនៅតាមបណ្តាញសង្គមទោះមិនមែនតាមកញ្ចក់ទូរទស្សន៍។មានតារាស្រីជាច្រើនបានប្តូរជំហររក្សាការស្លៀកពាក់តាមរូបភាពមួយទទួលយកបានប៉ុន្តែដេនីក្វាន់នៅមិនទាន់ចុះខ្សោយការលេងស្ទីលចំហរទ្រូងឡើយ។
បើទោះដេនីក្វាន់សម្តែងដើមទ្រូងនៅតាមបណ្តាញសង្គមបែបណាក៍បានផ្តល់ផលមិនចំណេញក្នុងនាមជាតារាសិល្បៈដែលនាងជាប់ឈ្មោះងារជាតារា។បែបនេះហើយរាល់ពេលដែលបង្ហាញសកម្មភាពខុសបែបបថនិងរកការពិន័យដូចករណីពេលនេះ។
ក្រសួងវប្បធម៌និងវិចិត្រសិល្បៈ បានត្រៀមបើកកិច្ចប្រជុំមួយនៅថ្ងៃទី២៥ មេសា ដើម្បីពិនិត្យទៅលើបញ្ហាផ្លូវច្បាប់ ក្នុងចំណាត់ការ ការដាក់ពិន័យទៅលើតារាសម្តែងដែលចូលចិត្តសម្តែងដើមទ្រូង គឺនាងដេនីក្វាន់ ក្នុងពេលដែលតារារូបនេះ នៅតែធ្វើសកម្មភាពគគ្លើនទៅនឹងចំណាត់ការរបស់ក្រសួង ។
ចំណាត់ការរបស់ក្រសួងវប្បធម៌ និងវិចិត្រសិល្បៈនាពេលនេះ មិនមែនជាលើកទីមួយទេ ពោលកន្លងមកក្រសួង ក៏បានកោះហៅតារារូបនេះ យកមកដុះក្អែលម្តងរួចមកហើយ នៅពេលដែលតារារូបនេះ បញ្ចេញរូបភាពស្ទើរអាក្រាតកាយជាសាធារណៈ ។
ចំណាត់ការខាងលើនេះផងដែរ បានធ្វើឡើងបន្ទាប់ពីកន្លងទៅថ្មីៗនេះ តារាសម្តែងដែលមានមូលដ្ឋានមកពីខេត្តព្រះវិហារនាងដេនី ក្វាន់ បានLive វីដេអូបង្ហោះតាមហ្វេសប៊ុកក្នុងសម្លៀកបំពាក់ស្ទើរបញ្ចេញសុដន់ទាំងមូលមកក្រៅ ដែលធ្វើឲ្យអ្នកបានឃើញបានធ្វើការស្តីបន្ទោស និងរិះគន់មិនសំចៃមាត់ ។
លិខិតដដែលនោះបានបញ្ជាក់ថា កិច្ចប្រជុំនេះ ផ្តោតទៅលើការពិនិត្យទៅលើព្យសនកម្មនៃបទល្មើសដែលបង្កដោយកញ្ញាដេនីក្វាន់។ ពិនិត្យ អនុម័តដាក់ពិន័យកញ្ញា ដេនីក្វាន់ ក្នុងកម្រិតណាមួយ ឱ្យស្របទៅតាមស្ថាននៃបទល្មើសដែលគេបានប្រព្រឹត្ត។ពិនិត្យសម្រេចទៅលើទម្រង់លិខិតក្នុងការដាក់ពិន័យ ។