រាជធានីភ្នំពេញ៖  កាលពីរសៀលថ្ងៃទី៣ ខែមីនា ឆ្នាំ២០១៧ លោកបណ្ឌិត ថោង ខុន រដ្ឋមន្ត្រី ក្រសួងទេសចរណ៍ និង ជាប្រធានគណៈកម្មាធិការជាតិអូឡាំពិកកម្ពុជា បានប្រារពពិធីក្រុងពាលីសុំពរជ័យ មុនពរជ័យ មុនបើកការរដ្ឋាសាសងកីឡដ្ឋានមរតកតេជោ ក្រោមវត្ត សម្តេចតេជោមហាសេបតីតេជោហ៊ុន សែន នាយករដ្ឋមន្ត្រីព្រះរាជាណាចក្រកម្ពុជា អញ្ជើញកាត់ខ្សែប៊ូ បើកពិធីបុកគ្រឹះ សាងសងទីលានបាល់ទាត់ និង បើកសម្ពោធអាគារស្នាក់ការ និង ទីលានកីឡាផ្សេងៗសម្រាប់ស្អែកទី០៤ ខែមីនា ឆ្នាំ២០១៧។

លោកបណ្ឌិត ថោង ខុន បានបញ្ជាក់ថា សម្តេចតេជោមហាសេបតីតេជោហ៊ុន សែន នឹងជួបអត្តពលិក៣,២០០នាក់ ក្នុងពិធីបើកការដ្ឋានសាងសងទីលានបាល់ទាត់   និង ដាក់ សម្ពោធ អាគារស្នាក់នៅ និង ទីលានកីឡាក្នុង ពហុកីឡាដ្ឋាន មរតកតេជោ ចំនួន៤ កន្លែង ដែលសាងរួចរាល់នៃដំណាក់កាលទី១ ។ បន្ទាប់មកសម្តេចតេជោនឹងជួបក្នុងពិធីបាយសាម គ្គីនៃមហាគ្រួសារកីឡា នៅអាគារកោះពេជ្រ ពេលល្ងាច ថ្ងៃដដែល។

លោកបណ្ឌិត ថោង ខុន  បានបញ្ជាក់ថា កីឡាដ្ឋានមរតកតេជោ ដែលបានសាងសង់រួចរាល់ នៅដំណាក់កាលទី១ នៃពហុកីឡដ្ឋានដ៏ធំលើផ្ទៃដីប្រមាណ ៨៣ហិចតា ស្ថិតក្នុងសង្កាត់ព្រែកតាសេក ខណ្ឌឫស្សីកែវ ដែលគ្រោងនឹង ដាក់សម្ភោធឱ្យ ប្រើប្រាស់ នាថ្ងៃទី៤ ខែ មីនា ឆ្នាំ២០១៧។ សមិទ្ធផលគ្រោងសម្ពោធដាក់ឲ្យប្រើប្រាស់មុនគេ រួមមានមជ្ឈមណ្ឌលអាងហែលទឹកមជ្ឈមណ្ឌលកីឡាក្នុងសាល ទីលានបាល់បោះ ទីលានបាល់ទះ និងអគារស្នាក់នៅរបស់អត្តពលិក។

ប្រធានគណៈកម្មាធិការជាតិអូឡាំពិកកម្ពុជា បានថ្លែងថា ជាមួយគ្នានោះ សម្ដេចតេជោ ហ៊ុន សែន ក៏មានកម្មវិធីសំខាន់ចំនួន ២ចំណុចផ្សេងទៀតដែរ ពោលគឺការរៀបចំពិធីបុកគ្រឹះសាងសង់ពហុកីឡដ្ឋានមរតកតេជោ ដំណាក់កាលទី២ ផ្ដោតលើកីឡដ្ឋានបាល់ទាត់ និងមួយទៀត គឺការទទួលទានអាហារជួបជុំជាមួយមហាគ្រួសារកីឡាកម្ពុជា ៕ដោយ បូរិន

• ក្រុងពាលី
• កីឡដ្ឋាន
• ការរដ្ឋា