រាជធានីភ្នំពេញ៖ ពិតជាមិនគួរឱ្យជឿសម្រាប់ជំនួបស្វែងរក៣ពិន្ទុរបស់ក្រុមជម្រើសជាតិកម្ពុជា ដែលត្រូវបានក្រុមបាល់ទាត់ប្រទេសហ្សក់ដានី ក្នុងលទ្ធផល ហ្សក់ដានី ៧ - ០ កម្ពុជា ក្នុងជើងទី១ក្នុងពូលCនៃពាន់រង្វាន់  AFC Asian 2019 ។

ការប្រកួតរយៈពេល៩០នាទីក្នុងទឹកដីរបស់ប្រទេស ហ្សក់ដានី កាលពីថ្ងៃទី២៨ ខែមីនា ឆ្នាំ២០១៧នេះ ក្រុមកម្ពុជា មិនស៊ុតបញ្ជូលទីបានមួយគ្រាប់ឡើយ ខណៈការប្រកួតត្រូវបានមើលឃើញថា ភាគីគូរប្រជែងមានសមត្ថភាពខ្លាំង ទាំងបច្ចេកទេស និង ល្បឿនរបស់កីឡាករនៃប្រទេស ហ្សក់ដានី។

សូមបញ្ជាក់ថា ក្នុងវគ្គទី១ ហ្សក់ដានីរកបានពីរគ្រាប់ ហើយចូលវគ្គទី២ ក្រុមកម្ពុជា មិនអាចបំបែកពងមាន់របស់ខ្លួនឡើយ និង មិនអាចទប់កម្លាំងរបស់ក្រុនេះ ធ្វើឱ្យ ចាញ់៥គ្រាប់ទៀត។ បញ្ចប់ការប្រកួត ហ្សក់ដានី ៧ - ០ កម្ពុជា ក្នុងជើងទី១ក្នុងពូលCនៃពាន់រង្វាន់  AFC Asian 2019 ដែលលទ្ធផលគួរឱ្យសោកស្តាយសម្រាប់ក្រុមជម្រើសជាតិគោព្រៃ៕ ដោយ បូរិន

• ហ្សក់ដានី
• ពាន់រង្វាន់