រាជធានីភ្នំពេញ៖ ការប្រកួតកីឡាប្រណាំងកង់ហោះនៃបុណ្យទន្លេលើកទី៣បានបញ្ចប់ហើយកាលពីព្រឹកថ្ងៃទី២៥  ខែមីនា ឆ្នាំ២០១៧ ដោយការកីឡាករម្នាក់ប្រជែងគ្នាឡើងផ្អើលពេញក្រុងស្ទឹងត្រែង ខណៈប្រជាជននៅទីនេះបានចូលរួមទស្សនា និង សប្បាយរីករាយជាមួយការប្រណាំងបែបនេះដែលមិនធ្លាប់មានពីមុនមក។

លើកទឹកដីក្រុងស្ទឹងត្រែង ជាប់ដងទន្លេមេគង្គក្នុងខេត្តនេះ ពិធីបុណ្យទន្លេលើកទី៣ ដែលរៀបចំឡើងដោយ ក្រសួងទេសចរណ៍ និង គណៈកម្មការជាតិអូឡាំពិចកម្ពុជា(NOCC) បានដាក់ការប្រកួតកីឡាប្រណាំងកង់ហោះ ដែលមានកីឡាករកីឡាការិនី៥០កង់ ចូលរួមអបអរនៃពិធីបុណ្យនេះ ។

ការប្រកួតកីឡាប្រភេទនេះត្រូវបានបញ្ចប់ហើយដោយ កីឡាករកីឡាការិនី៥០កង់ ដែលជាខ្មែរនិងអន្តរជាតិមកពីរាជធានីនិងខេត្ត បានចូលរួមធាក់កង់ប្រជែង ជុំវិញក្រុងស្ទឹងត្រែង ធ្វើឱ្យផ្អើលប្រជាពលរដ្ឋនៅទីនោះ នាំគ្នាចូលរួមទស្សនាយ៉ាងសប្បាយ ហើយម្នាក់ៗលាន់មាត់ មិនដែលឃើញទិដ្ឋភាពនៃការប្រកួត កង់បែបនេះលើទឹកដីខេត្ត ស្ទឹងត្រែង ឡើយ។ 

សូមបញ្ជាក់ថា ការប្រកួតប្រណាំងកង់នៃពិធីបុណ្យទន្លេលើកទី៣ក្នុងខេត្តស្ទឹងត្រែង នេះ NOCC និង សហព័ន្ធកម្ពុជាកីឡាប្រណាំងកង់ បានវិញ្ញាសារបីប្រភេទ  យុវជនក្រោម១៨ ឆ្នាំ លេខ១ លោក ជីម តុង លេខ២ លោក ម៊ុល សាវុធ, លេខ៣ សូ សុខេង។ ក្រុមបុរសជើងខ្លាំង លេខ១ លោក យឿន គីយុទ្ធ, លេខ២ លោក គីម ចន្ធូ, លេខ៣ លោក កែវ រដ្ឋា។ ក្រុមប្រណាំង VIP សម្រាប់បុរស លេខ១លោក Vang Ching Chov, លេខ២ លោកPierre, លេខ៣ លោក Vong Khan Pov  ហើយសម្រាប់នារីវិញ លេខ១ អ្នកនាង Heng Siv Lang, លេខ២អ្នកនាង Heng Siv Gech, លេខ៣ អ្នកនាង Pen Sokly៕ដោយ បូរិន

• ការប្រកួ
• ទស្សនា
• បុណ្យទន្លេ