រាជធានីភ្នំពេញ៖ ក្រោយពីសហព័ន្ធកីឡាវាយកូនឃ្លើតើតុកម្ពុជា បានប្រកាសជាផ្លុវការលក្ខណៈទ្រុងទ្រាយតូចមួយនៅទីស្នាក់ការគណៈ កម្មាធិកាជាតិអូឡាំពិកកម្ពុជា (NOCC) ដើម្បីផ្លាស់ ប្ដូររចនាសម្ព័ន្ធសម្រាប់អាណត្តិថ្មី ដែលគ្រូ ចាស់ៗមួយចំនួនមើលទៅមានលក្ខណៈ មិនទំនងនោះ បានដាក់ផែនការហ្វឹកហាត់ ត្រៀមខ្លួនចេញទៅប្រកួតកីឡាអន្តរជាតិចំនួន៤ នៅក្រៅ ប្រទេស។
សមាសភាពក្បាលម៉ាស៊ីនដឹកនាំថ្មីនៃសហព័ន្ធកីឡាវាយកូនឃ្លីលើតុកម្ពុជា៩នាក់ដែល ក្នុងនោះលោក រ័ត្ន សាខន ជាប្រធានអាណត្តិ ថ្មីលោក សុខ វិសាល អនុប្រធាន កញ្ញា តៃ លីដា អគ្គលេខាធិការ លោក ប៊ុយ សោភ័ណ្ឌ អគ្គលេខាធិការរង អ្នកស្រី ប៊ូ កានីយ៉ា អគ្គហេរញ្ញឹក លោក តែ សុខហុង សមាជិក, លោក រស់ ជាតិ សមាជិក និង លោក តេង សំណាង សមាជិក ។
ក្រោយពីតែងតាំងថ្នាក់ដឹកនាំថ្មីរួច គ្រូបង្វឹកចាស់ៗមួយចំនួននៅខាងក្រោមមានប្រតិកម្មហើយបានលើកឡើងដោយសុំមិនបញ្ចេញឈ្មោះថា សមាសភាពក្បាលម៉ាស៊ីនដឹកនាំថ្មីនៃសហព័ន្ធកីឡាវាយកូនឃ្លីលើតុកម្ពុជានោះមានលក្ខណៈមិនសមស្របទាល់តែសោះដោយអគ្គលេខាធិកានិង សមាជិកមួយចំនួនរបស់សហព័ន្ធមិនមានចំណេះចំនាញខាងផ្នែកកីឡាវាយកូនឃ្លើលើតុងនិង សម្បីតែច្បាប់ឬក៍លក្ខ័នៃការលេងនោះក៍មិនដឹងដែរ ។
ប្រភពដដែលបន្តថា “នៅសល់តែ៦ឆ្នាំទៀតប៉ុណ្ណោះកម្ពុជានឹង ធ្វើជាម្ចាស់ផ្ទះនៃការប្រកួតកីឡាស៊ីហ្គេម លើកទី៣២ ឆ្នាំ ២០២៣ ចឹងកម្ពុជា ម្ចាស់ផ្ទះគឺត្រូវការមេដាយមកជូនជាតិ មិនមែនលំៗយកតែមុខនោះទេ ។ ជាក់ស្ដែង កាលពីឆ្នាំមុន (២០១៦) សហព័ន្ធកីឡាវាយកូនឃ្លីលើតុកម្ពុជា បានទទួលសិទ្ធធ្វើជាម្ចាស់ផ្ទះជើងឯកអាស៊ីអាគ្នេយ៍ ដោយមាន៦ប្រទេសចូលរួមប្រជែងយកមេដាយ ដោយម្ចាសផ្ទះកម្ពុជាធ្លាក់តាំងពីជុំដំបូងនៃការប្រកួត។ សួម្បីតែមេដាយសំរិទ្ធ១គ្រឿង លើវិញ្ញាសារណាក៏កម្ពុជាមិនអាចរកបានមកជូនជាតិដែរ។ ចឹងតើការផ្លាស់ប្ដូរថ្នាក់ដឹកនាំថ្មី នេះ អាចមានលទ្ធផលល្អដែលទេ? បើអគ្គលេខាធិការ សហព័ន្ធ និង សមាជិកមួយចំនួន មិនចេះពីក្បួនច្បាប់ផងនោះ?”។
ថ្ងៃប្រកាសរចនាសម្ព័ន្ធថ្មី របស់សហព័ន្ធ លោកវ៉ាត់ ចំរើន អគ្គលេខាធិកានៃគណៈកម្មាធិកាជាតិអូឡាំពិកកម្ពុជា បានធ្វើការព្រមានជាមុនថា “សហព័ន្ធកីឡាវាយកូនឃ្លីរបស់យើង មានឯកឧត្តមឧកញ៉ា រ័ត្ន សុខន ជាជំហរដ៏រឹងមាំលោកមានភារៈកិច្ចច្រើន អញ្ចឹងអ្នកខាងក្រោមកុំធ្វើបាបគាត់ កុំបង្កបញ្ហាឲ្យគាត់។ គាត់ចាំមើលតែជំហរការងារ និងការរៀបចំ ដូច្នេះយើងរៀបចំឲ្យមានតម្លាភាពដោយកុំមានបញ្ហាផ្ទៃក្នុងព្រោះការឈ្លោះប្រកែងគ្នាផ្ទៃក្នុង និងការបើកចិត្តមិនទូលាយលើរឿងបន្តិចបន្តួច វាបង្កឲ្យមានការលំបាក”។
សូមបញ្ជាក់ថា ការរៀបចំ រចនាសម្ព័ន្ធថ្នាក់ដឹកនាំនៃកីឡាវាយកូនឃ្លីលើតុអាណត្តិថ្មីនេះដើម្បីដាក់ផែនការហ្វឹកហាតត្រៀមប្រកួតព្រឹត្តិការណ៍កីឡាអន្តរជាតិចំនួន៤ នៅក្រៅប្រទេសនោះ គឺព្រឹត្តិការណ៍ SCHOOL GAME នៅសង្ហបុរី, ព្រឹត្តិការណ៍ហ្វ្រង់កូហ្វូនី នៅប្រទេសកូឌឺវ័រ, ព្រឹត្តិការណ៍ប្រកួតកីឡាស៊ីហ្គេម នៅប្រទេសម៉ាឡេស៊ី និងព្រឹត្តិការណ៍ប្រកួតកីឡាសាកលវិទ្យាល័យ នៅចិនតៃប៉ិក ។
គួររំលឹកផងដែរថា កីឡាវាយកូនឃ្លីលើតុកម្ពុជា ធ្លាប់ដណ្តើមបានមេដាយសំរឹទ្ធិមួយគ្រឿង ពីព្រឹត្តិការណ៍ SCHOOL GAME នៅប្រទេសថៃ លើវិញ្ញាសាប្រកួតជាក្រុមកាលពីឆ្នាំ២០១៦ ។ ចាំមើល តើការផ្លាស់ប្ដូរថ្នាក់ដឹកនាំថ្មីរបស់សហព័ន្ធមួយនឹង អាចឱ្យកម្ពុជាឈ្នះមេដាយជាលើកទី២ ឬក៍ យ៉ាងណា?៕ ដោយ បូរិន