MENU
អ្នកនាំពាក្យក្រសួងការបទេសថ្លែងថា ស្ថានទូតកម្ពុជានៅម៉ាឡេស៊ីរៀបចំមាតុភូមិនិវត្តន៍ របស់ពលការិនីខ្មែរ៤នាក់
ព័ត៌មានជាតិ | ថ្ងៃព្រហស្បតិ៍ ទី២៤ វិច្ឆិកា ២០១៦, ០៧:២១ | ៥៦៣ ដង | ចុចបញ្ចេញមតិ (០)

រាជធានីភ្នំពេញ៖  លោក ជុំ សុន្ទរី អ្នកនាំពាក្យក្រសួងការបរទេសបានអះអាងនៅថ្ងៃទី២៣ខែវិច្ឆិកានេះថាស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានអន្តរាគមន៍ជួយដោះស្រាយបញ្ហានិងរៀបចំមាតុភូមិនិវត្តន៍របស់ពលការិនីខ្មែរចំនួន៤នាក់ ដូចខាងក្រោម (១) ពលការិនី ព.ស.វ អាយុ៤០ឆ្នាំមកពីខេត្តស្វាយរៀង បានទៅធ្វើការងារតាមផ្ទះ នៅម៉ាឡេស៊ី ពីថ្ងៃ ទី១៣ ខែមិថុនា ឆ្នាំ២០១៥ តាមរយៈក្រុមហ៊ុនមួយនៅកម្ពុជា ។

ដោយធ្វើការលំបាក ពលការិនីបានទៅស្ថានទូតនៅខែកក្កដាឆ្នាំ២០១៦ស្នើសុំជួយទាមទារប្រាក់ខែដែលនៅសល់ពីថៅកែនិងជួយឲ្យបានត្រឡប់មកកម្ពុជាវិញ។តាមសំណូមពររបស់ស្ថានទូត ថៅកែរបស់ពលការិនី បានយល់ព្រមប្រគល់ប្រាក់ខែដែលនៅសល់ និងលិខិតឆ្លងដែនដល់នាងវិញ នៅថ្ងៃទី៨ខែវិច្ឆិកា ឆ្នាំ២០១៦ ។  

(២) ពលការិនី អ៊.ស.ម អាយុ២៦ឆ្នាំ មកពីខេត្តកំពង់ចាម បានទៅធ្វើការងារតាមផ្ទះនៅម៉ាឡេស៊ី ពីថ្ងៃទី១១ ខែមករា ឆ្នាំ២០១១ តាមរយៈក្រុមហ៊ុនមួយនៅកម្ពុជា។ ដោយធ្វើការលំបាក ពលការិនីបានទៅស្ថានទូត នៅថ្ងៃទី០៣ ខែកញ្ញា ឆ្នាំ២០១៦ ស្នើសុំស្ថានទូតទាមទារប្រាក់ខែពីថៅកែ និងជួយឲ្យបានត្រឡប់មកកម្ពុជាវិញ។

ស្ថានទូតបានសហការជាមួយអាជ្ញាធរម៉ាឡេស៊ី ស្វែងរកថៅកែរបស់ពលការិនី ឲ្យមកដោះស្រាយ។ នៅថ្ងៃទី១៦ ខែវិច្ឆិកា ឆ្នាំ២០១៦ ទើបថៅកែរបស់នាង បានយល់ព្រមប្រគល់ប្រាក់ខែដល់នាង តាមសំណូមពររបស់ស្ថានទូត។

(៣) ពលការិនី ច.ផ.ល អាយុ២៩ឆ្នាំ មកពីរាជធានីភ្នំពេញ បានទៅធ្វើការងារតាមផ្ទះនៅម៉ាឡេស៊ី ពីថ្ងៃទី៣០ ខែសីហា ឆ្នាំ២០១៦ តាមរយៈក្រុមហ៊ុនមួយនៅកម្ពុជា ។ នាងបានទទួលប្រាក់ខែគ្រប់ចំនួន ប៉ុន្តែដោយសារចង់មកផ្ទះវិញ នាងបានទៅស្ថានទូតនៅថ្ងៃទី១០ ខែវិច្ឆិកា ឆ្នាំ២០១៦ ស្នើសុំជួយឲ្យបានត្រឡប់មកកម្ពុជា។

(៤)  ពលការិនី ទ.ច.រ  អាយុ២១ឆ្នាំ មកខេត្តតាកែវ បានទៅម៉ាឡេស៊ី ធ្វើការខុសច្បាប់នៅហាង Game Internet ពីថ្ងៃទី០៦ ខែមិថុនា ឆ្នាំ២០១៥ តាមរយៈក្រុមហ៊ុនមួយនៅកម្ពុជា។ នាងបានទៅស្ថានទូតនៅថ្ងៃទី១៦ ខែវិច្ឆិកា ឆ្នាំ២០១៦ សុំជួយឲ្យបានត្រឡប់មកកម្ពុជាវិញ។ នាងពុំទាមទារប្រាក់ខែដែលនៅសល់ទេពីព្រោះថៅកែរបស់នាងត្រូវបានអាជ្ញាធរម៉ាឡេស៊ីចាប់ខ្លួន ពីបទបើកអាជីវកម្ម Game Internet ខុសច្បាប់។

ពលការិនីទាំង៤នាក់ នឹងមកដល់ព្រលានយន្តហោះអន្តរជាតិភ្នំពេញនៅថ្ងៃទី២៤ខែវិច្ឆិកា ឆ្នាំ២០១៦ វេលាម៉ោង០៧:៥០នាទីព្រឹក តាមជើងយន្តហោះ AK536 ។ អំឡុងពេលរង់ចាំត្រឡប់មកកម្ពុជាវិញស្ថានទូតបានផ្តល់កន្លែងស្នាក់នៅនិងអាហារបរិភោគដល់ពលការិនីទាំង៤នាក់ផងដែរ៕

Tags:
  • ក្រសួងការបទេស
  • ស្ថានទូត
  • កម្ពុជា
  • និវត្តន៍
ព័ត៌មានស្រដៀង
អ្នកគួរដឹង
ប្រកាសជូនដំណឹង ស្តីពីការបេីកដំណេីការហាងលក់សម្លៀកបំពាក់
ថ្ងៃព្រហស្បតិ៍ ទី១៥ តុលា ២០២០, ១៤:២៦
ប្រកាសជូនដំណឹងផ្លាស់ប្តូរទីតាំងអាជីវកម្ម
ថ្ងៃសុក្រ ទី១២ មិថុនា ២០២០, ១៧:១៧
ដំណឹងជ្រើសរើសបុគ្គលិក នៅភ្នំពេញ ពេញម៉ោង
ថ្ងៃព្រហស្បតិ៍ ទី១៨ តុលា ២០១៨, ១៦:៣៨
បុរសម្នាក់ជាជនសង្ស័យរំលោភក្មេងអាយុ១២ឆ្នាំ ត្រូវអាវុធហត្ថក្រុងប៉ោយប៉ែតឃាត់ខ្លួន
ថ្ងៃច័ន្ទ ទី១៦ កក្កដា ២០១៨, ១១:៣៣
កុមារីអាយុ៧ឆ្នាំម្តាយស្លាប់ឪពុកបង់ចោលរស់នៅជាមួយអ៊ុំស្រីមានជំងឺ អំពាវនាវសប្បុរជនជួយផង
ថ្ងៃពុធ ទី១១ កក្កដា ២០១៨, ១៥:១២
កុមារី៤នាក់កំព្រាម្តាយ ឪពុកធ្លាក់ខ្លួនឈឺធ្ងន់អំពាវនាវឲ្យសប្បុរសជន ជួយពួកគេយកទៅចិញ្ចឹមផង
ថ្ងៃច័ន្ទ ទី០២ កក្កដា ២០១៨, ១៦:៣១
ឃាត់ខ្លួនម្តាយមានសតិមិនប្រក្រតី វាយកូនប្រុសអាយុ១៤ឆ្នាំ មានជម្ងឺសរសៃប្រសាទស្លាប់ក្នុងបន្ទប់ទឹក
ថ្ងៃច័ន្ទ ទី០២ កក្កដា ២០១៨, ១៦:២១
សមត្ថកិច្ចបានឃាត់ខ្លួនបុរសវ័យ៥៣ឆ្នាំម្នាក់ ករណីចាប់រំលោភកុមារីអាយុ៨ឆ្នាំ
ថ្ងៃអង្គារ ទី១៩ មិថុនា ២០១៨, ១៤:២០
សមត្ថកិច្ចឃាត់ខ្លួនកុមារាអាយុ១២ឆ្នាំម្នាក់ មើលរឿងអាះអាភាសសង្ស័យថាចាប់រំលោភកុមារីអាយុ៤ឆ្នាំ
ថ្ងៃពុធ ទី១៣ មិថុនា ២០១៨, ០៨:៥៨
លំនៅដ្ឋានមួយខ្នង ត្រូវអគ្គីភ័យឆាបឆេះទាំងស្រុង
ថ្ងៃអាទិត្យ ទី១០ មិថុនា ២០១៨, ០៩:៥៥