រាជធានីភ្នំពេញ ៖ នៅវេលាម៉ោង ១៦ និង ០០នាទីល្ងាចថ្ងៃទី ៨ ខែសីហា ឆ្នាំ២០១៦នេះ ប្រពន្ធសពលោកបណ្ឌិត កែម ឡី រួមជាមួយកូនៗ៤នាក់ បានមកសួរសុខទុក្ខ បងប្អូនប្រជាពលរដ្ឋមក ពីខេត្តកោះកុង ជាង៥០នាក់ដែលរងគ្រោះក្នុងរឿងរំលោភដីធ្លី ហើយបច្ចុប្បន្នកំពុងស្នាក់នៅក្នុង វត្តសាមគ្គីរង្ស៊ី ស្ថិតក្នុងភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
ក្រោយការមកសាកសួរសុខទុក្ខហើយនោះ លោកស្រី ដែលមានប្រពន្ធសពលោកបណ្ឌិត កែម ឡី ក៏បាន ឧបត្ថម្ភជាថវិការផ្ទាល់ខ្លួន ជូនដល់បងប្អូនប្រជាពលរដ្ឋរងគ្រោះទាំងនោះផងដែរ ប៉ុន្តែ នៅមិនទាន់ ដឹងថា មានទំហំទឹកប្រាក់ប៉ុន្មាននោះទេ ដោយលោកស្រី ផ្តល់ជូនដោយមិនបើកចំហរ សូម្បីតែមន្ត្រីមូលដ្ឋានដែលចុះទៅដល់ទីនោះ ក៏ពុំអាចដឹងបានដែរ ខណៈអ្នកទទួលប្រាក់ពុំបានឆ្លើយ ប្រាប់ ។
បន្ទាប់ពីសាកសួរសុខទុក្ខ និងឧបត្ថម្ភ ថវិការ មិនលើសពី១ម៉ោងហើយនោះ លោកស្រីរួមទាំងកូនៗ ក៏បានឡើងជិះរថយន្តចាកចេញទៅវិញបាត់ភ្លាមៗ ផងដែរ ៕